សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាលៈ បន្ទាប់ពីស្រែកហៅប្អូនថ្លៃស្រីជាច្រើនមាត់មិនឃើញឆ្លើយតប ស្ត្រីជាបងថ្លៃបានឡើងទៅមើលក៏ប្រទះឃើញប្អូនស្រីចង.កស្លាប់ក្នុងបន្ទប់ បង្កឲ្យមានការភ្ញាក់ផ្អើលនៅវេលាម៉ោង០៦ និង០៥នាទីព្រឹក ថ្ងៃទី១៤ ខែមិថុនា ឆ្នាំ២០១៧ ស្ថិតក្នុងភូមិភូមិសាម៉ ឃុំដើមឫស ស្រុកកណ្ដាលស្ទឹង ខេត្តកណ្ដាល ។
មន្ត្រីនគរបាលស្រុកកណ្តាលស្ទឹងបានឲ្យដឹងថា នារីរងគ្រោះឈ្មោះ នឹម សុខណាវ ភេទស្រី អាយុ១៩ឆ្នាំ ជនជាតិខ្មែរ មុខរបរ ជាកម្មការីនីរោងចក្រកាត់ដេរ បច្ចុប្បន្នរស់នៅផ្ទះជាមួយឪពុកម្តាយក្នុងភូមិភូមិសាម៉ ឃុំដើមឫស ស្រុកកណ្ដាលស្ទឹង។
ជនរងគ្រោះរូបនេះបានសរសេរពាក្យបណ្តាំទុកយ៉ាងដូច្នេះថា “ខ្ញុំស្រលាញ់លោកទាំងពីរ ខ្ញុំស្រលាញ់បងប្អូនទាំងអស់គ្នាណាស់ ខ្ញុំធ្វើគ្រប់យ៉ាងដើម្បីបងប្អូន ឡូវបងៗពេញចិត្ត កូនស្រលាញ់ពុកម៉ែបើមានជាតិក្រោយពិត កូនសុំកើតជាកូនពុកម៉ែម្តងទៀត លានេះគឺលារហូត កូនអគុណគ្រប់យ៉ាង តែពេលនេះគឺដល់គេកំណត់ហើយ ខ្ញុំត្រូវទៅវិញហើយ គឺគេកំណត់ឲ្យកូនតែប៉ុណ្ណឹងទេ អគុណគ្រប់យ៉ា បណ្តាំរបស់កូនស្រី ។ ស្រលាញ់ ម៉ែពុក បងៗក្មួយ ។ ”។
ប្រភពដដែលបានបន្តថា នៅមុនពេលកើតហេតុថ្ងៃទី១៣ ខែមិថុនា ឆ្នាំ២០១៧ វេលាម៉ោង១១និង០០នាទី នារីរងគ្រោះមិនសូវស្រួលខ្លួន បានសុំប្រធានរោងចក្រឡប់មកផ្ទះវិញ ។ ហើយពេលយប់ឡើងជនរងគ្រោះក៏ចូលសំរាន្តជាធម្មតា បន្ទាប់មកនៅវេលាម៉ោងប្រហែល០៦និង០៥នាទីព្រឹក ថ្ងៃទី១៤ ខែមិថុនា ឆ្នាំ២០១៧ បងថ្លៃស្រីរបស់ជនរងគ្រោះឈ្មោះ សន ម៉ារី បានឡើងទៅលើផ្ទះហៅជនរងគ្រោះទៅធ្វើការ ក៏ស្រាប់តែឃើញជនរងគ្រោះចងក ស្លាប់បាត់ទៅហើយទើបរាយការណ៍ប្តឹងសមត្ថកិច្ចនគរបាលប៉ុស្តិ៍
សមត្ថកិច្ចនគរបាលជំនាញបច្ចេកទេស និងវិទ្យាសាស្ត្រស្រុកកណ្តាលស្ទឹងបានឲ្យដឹងថា សពមានស្នាមជាំជុំវិញករមានប្រវែង២៤សង់ទីម៉ែត្រ ។ សពចងក នឹងខ្សែអង្រឹងពណ៌ត្រេអី ចងភ្ជាប់ជាមួយរនងក្នុងបន្ទប់លើផ្ទះ ។ ក្រោយពេលពិនិត្យរួចសពបានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕ ស្អាងជ័យ
