សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនជាតិចិនម្នាក់បានបេីករថយន្តក្នុងល្បឿនលឿនធ្វើឱ្យរេចង្កូតទៅបុកម៉ូតូពីក្រោយបណ្តាលឱ្យ២នាក់ឪពុកកូនរងរបួសធ្ងន់និងស្រាល ហេីយអ្នកបើករថយន្តបង្កហេតុបានព្យាយាមបេីករត់ក៏បន្តទៅបុករ៉ឺម៉កកង់បីពីក្រោយទៀតបណ្តាលឲ្យក្រឡាប់ផ្ងារជេីង ហេីយអ្នកបើករថយន្តបង្កនៅតែមិនព្រមឈប់ទទួលកំហុសក៏ព្យាយាមបេីករត់បានប្រហែល១គីឡូម៉ែត្រទេីបពលរដ្ឋដេញឃាត់ជាប់។
ហេតុការណ៍នេះបានកេីតឡេីងកាលពីវេលាម៉ោង៦ល្ងាច ថ្ងៃទី១៤ខែកុម្ភៈ ឆ្នាំ២០២៣ នៅចំណុចស្ថានីយប្រេងឥន្ទនៈPtt តាមបណ្តោយផ្លូវជាតិលេខ៣ ភូមិព្រៃព្រីងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូស្គូពី ពណ៌ស ពាក់ស្លាកលេខភ្នំពេញ1JV-7203 ឌុបកូនតូចម្នាក់ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីជេីងទៅត្បូង ខណៈមកដល់ចំណុចមុខស្ថានីយប្រងPtt ស្រាប់តែមានរថយន្តម៉ាកព្រូស ពណ៌ទឹកប្រាក់ ពាក់ស្លាកលេខភ្នំពេញ2AS-2976 បេីកបរដោយបុរសជនជាតិចិនម្នាក់ធ្វេីដំណេីរមកពីក្រោយបុកពេញទំហឹងបណ្តាលឱ្យបុរសអ្នកជិះម៉ូតូរងរបួសបាក់ជេីងម្ខាង ចំណែកកូនតូចរងរបួសស្រាល។ បន្ទាប់មករថយន្តបង្កក៏បានបេីកគេចខ្លួនបានប្រហែល២០០ម៉ែត្រក៏ជ្រុលទៅបុករ៉ឺម៉កលក់ខោអាវជជុះបណ្តាលឱ្យក្រឡាប់ផ្ងារជេីង ហេីយរថយន្តបង្កនៅតែមិនព្រមឈប់ទទួលកំហុសព្យាយាមបេីករត់បានប្រហែល១គីឡូម៉ែត្រទេីបពលរដ្ឋដេញឃាត់បានតែម្តង។
ក្រោយកេីតហេតុសមត្ថកិច្ចបានចុះទៅនាំខ្លួនម្ចាស់រថយន្តបង្កទៅប៉ុស្តិ៍នគរបាលរង់ចាំដោះស្រាយនៅពេលក្រោយ៕
ដោយ៖សុខាសែនជ័យ
