សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ត្រូវបានសមត្ថកិច្ចនគរបាលប៉ុស្តិ៍ភ្នំពេញថ្មីឃាត់ខ្លួន យកមកសាកសួរយោងតាមបណ្តឹងរបស់ ជនរងគ្រោះដោយចោទពីបទរំលោភ សេពសន្ថវៈបានសម្រេចមួយលើក។
ការឃាត់ខ្លួនជនសង្ស័យនេះបានធ្វើឡើងកាលពីម៉ោង១០ព្រឹកថ្ងៃទី១៦ ខែ សីហា ឆ្នាំ២០១៦ នៅផ្ទះលេខ១៦៥ ផ្លូវ លំ ក្រុម៧ ភូមិដីថ្មី សង្កាត់ភ្នំពេញថ្មី ខណ្ឌ សែនសុខ។
ជនសង្ស័យឈ្មោះ ពេជ និវត្តន៍ អាយុ ៣១ឆ្នាំ មុខរបរនៅផ្ទះ ស្នាក់នៅផ្ទះលេខ ១៦៥ ផ្លូវលំក្រុម៧ ភូមិដីថ្មី សង្កាត់ ភ្នំពេញថ្មី ខណ្ឌសែនសុខ និងមានទីកន្លែង កំណើតនៅភូមិ៦ សង្កាត់ទន្លេបាសាក់ ខណ្ឌចំការមន ។ ចំណែកដើមបណ្តឹង អាយុ១៥ឆ្នាំ ស្នាក់នៅផ្ទះលេខ១៦៥ ផ្លូវលំ ក្រុម៧ ភូមិដីថ្មី សង្កាត់ភ្នំពេញថ្មី ខណ្ឌ សែនសុខ ត្រូវជាប្អូនស្រីចិញ្ចឹមរបស់ជន សង្ស័យ ។
លោក ដួង វណ្ណៈ នាយប៉ុស្តិ៍នគរបាល ភ្នំពេញថ្មីស្តីទីបានប្រាប់ថា ក្រោយពីទទួល បានបណ្តឹងរបស់ជនរងគ្រោះមកប្តឹងផ្ទាល់មាត់ក្នុងករណីនេះលោកបានដឹកនាំកម្លាំងចុះទៅឃាត់ខ្លួនបុរសខាងលើដល់លំនៅឋានតែម្តងនិងបាននាំខ្លួនយកមកសាកសួរនៅប៉ុស្តិ៍នគរបាលរដ្ឋបាលភ្នំពេញថ្មី ។
ជនសង្ស័យខាងលើបានប្រាប់សមត្ថ កិច្ចថា ក្មេងស្រីរងគ្រោះដែលជាប្អូនចិញ្ចឹមរបស់ខ្លួនគឺត្រូវបានឪពុកម្តាយរបស់ខ្លួន យកមកចិញ្ចឹមតាំងតែពីតូចមកម្លេ៉ះដោយមកដល់បច្ចុប្បន្នមានអាយុ១៥ឆ្នាំហើយ ។
តាមការរៀបរាប់របស់ក្មេងស្រីរងគ្រោះបានប្រាប់សមត្ថកិច្ចថា កាលពីថ្ងៃទី១៥ ខែ សីហា វេលាម៉ោង២និង១០នាទីរសៀលនៅផ្ទះកើតហេតុជនសង្ស័យត្រូវជាបង ចិញ្ចឹមបានហៅនាងឲ្យចូលទៅក្នុងបន្ទប់ របស់គេ។ ពេលទៅដល់ក្នុងបន្ទប់ស្រាប់តែជនសង្ស័យបានយកកាំបិតប័ុងតោមកគំរាមសម្លាប់បើមិនឲ្យរូបគេរំលោភទេនោះ។ ពេលឃើញដូច្នេះទើបនាងភ័យខ្លាចពុំហ៊ាន ស្រែកហើយជនសង្ស័យក៏បានធ្វើសកម្មភាពរំលោភបានសម្រេចតែម្តង ។ លុះព្រឹក ថ្ងៃទី១៦ ខែសីហា ឆ្នាំ២០១៦ រូបនាង ហើយនឹងបងប្អូនក៏មកប្តឹងសមត្ថកិច្ចឲ្យឃាត់ខ្លួនជនសង្ស័យតែម្តង ។
នៅចំពោះមុខសមត្ថកិច្ចជនសង្ស័យបានឆ្លើយសារភាពថារូបគេពិតជាបានចាប់ រំលោភសេពសន្ថវៈលើប្អូនស្រីចិញ្ចឹមរបស់ខ្លួនប្រាកដមែនកាលពីរសៀលថ្ងៃទី១៥ ខែសីហា ឆ្នាំ២០១៦។ មុនពេលកើតហេតុដោយនៅផ្ទះមានសភាពស្ងាត់រូបគេក៏បានហៅប្អូនចិញ្ចឹមឲ្យចូលបន្ទប់ស្នាក់នៅរបស់ខ្លួនហើយបានយកកាំបិតបុ័ងតោមមក គំរាម និងបានធ្វើសកម្មភាពរំលោភប្អូនស្រីចិញ្ចឹមបានសម្រេចចំនួនមួយលើក។ លុះ មកដល់ព្រឹកថ្ងៃ១៦ ខែសីហា ស្រាប់តែឃើញ សមត្ថកិច្ចមកឃាត់ខ្លួនគេដល់ផ្ទះតែម្តង ។
ដោយមានចម្លើយសារភាពរបស់ជនសង្ស័យគ្រប់គ្រាន់សមត្ថកិច្ចបានឃាត់ខ្លួនជនសង្ស័យយកមកឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌសែខសុខដើម្បីចាត់ការតាមផ្លូវច្បាប់ ៕ តុង សីហា
