សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលខណ្ឌពោធិ៍សែនជ័យ តាមស្រាវជ្រាវ និងឃាត់ខ្លួនមុខសញ្ញាចែកចាយគ្រឿងញៀន ដ៏សកម្មម្នាក់ កាលពីវេលាម៉ោង៧និង៣០នាទីយប់ ថ្ងៃទី១៩ ខែសីហា ឆ្នាំ២០១៦នៅចំណុចភូមិត្រពាំងពោធិ សង្កាត់ចោមចៅ ខណ្ឌពោធិ៍សែនជ័យ ដោយធ្វើការដកហូតថ្នាំញៀន២កញ្ចប់ធំតូច ដែលមានតម្លៃពី២ពាន់ទៅ៣ពាន់ដុល្លារ រួមទាំងម៉ូតូ ០១គ្រឿង ម៉ាក់ scopy ផងដែរ។
ជនសង្ស័យមាន ឈ្មោះ ជា សុភា ភេទប្រុស អាយុ ២៧ឆ្នាំ មុខរបមិនពិតប្រាកដ ស្នាក់នៅភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ ។
ដោយមានការរាយការណ៍ពីប្រជាពលរដ្ឋដែលនៅក្បែរថា មានជនសង្ស័យជាមេខ្លោងបានចែកចាយគ្រឿងញៀនយ៉ាងសកម្មនៅចំណុចខាងលើ ទើបលោកយឹម សារ៉ាន់ អធិការនគរបាលខណ្ឌពោធិ៍សែនជ័យបញ្ជាកម្លាំងក្រោមឱវាតអោយតាមដាន និងស្រាវជ្រាវរហូតឈានដល់ការឃាត់ខ្លួនជនសង្ស័យតែម្តង ។
ក្រោយពីឃាត់ខ្លួន ជនសង្ស័យត្រូវបាននគរបាលយកទៅសួរនាំនៅអធិការដ្ឋាននគរបាលខណ្ឌពោធិ៍សែនជ័យដើម្បីកសាងសំណុំរឿងបញ្ជូនទៅតុលាការដោះស្រាយតាច្បាប់ ៕ សុខាសែនជ័យ
