សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលប៉ុស្តិ៍ឫស្សីកែវ បានឃាត់ខ្លួននសង្ស័យម្នាក់ រួមនឹងថ្នាំញៀន ១កញ្ចប់ នាវេលាម៉ោង ១០និង២៥នាទី យប់ថ្ងៃទី១៩ ខែសីហា ឆ្នាំ២០១៦នៅចំណុចមុខបុរីមហាសេដ្ឋី ផ្លូវរថភ្លើង ក្រុមទី៩ ភូមិបឹងសាឡាង សង្កាត់ឬស្សីកែវ ។
មន្រីនគរបាលប៉ុស្តិ៍ឫស្សីកែវ បានឲ្យដឹងថា មុនពេលឃាត់ខ្លួនជនសង្ស័យរូបនេះ កម្លាំងនគរបាលប៉ុស្តិ៍បានចេញល្បាតក្នុងភូមិសាស្ររបស់ខ្លួន ហើយជួបជនសង្ស័យខាងលើបានដាក់ការសង្ស័យរូបនេះថាជាសមាសភាពមិនល្អក៍ហៅ ត្រួតពិនិត្យរកឃើញម្សៅ ក្រាមព៌ណសថ្លា មួយកញ្ចប់ថង់តូចនៅជាប់នឹងខ្លួន។ជនសង្ស័យម្នាក់នេះឈ្មោះ លីម ម៉េងស្រ៊ុន ហៅ ស្រ៊ុន ភេទប្រុស អាយុ២៨ឆ្នាំ មានទីលំផ្ទះជួល ក្រុមទី៩ ភូមិបឺងសាឡាងសង្កាត់ ឬស្សីកែវ មុខរបរ លក់ដូរ ត្រូវបានឃាត់ខ្លួន បញ្ជូនទៅអធិការដ្ឋាននគរបាលខណ្ឌឫស្សីកែវដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី ៕ ប្រាថ្នា
