សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ បុរសម្នាក់បានស្លាប់គៀបជាប់ក្នុងកាប៊ីនរថយន្ត នៅក្នុងឧប្បត្តិហេតុគ្រោះថ្នាក់ចរាចរណ៍មួយ ដែលបង្កឡើងដោយរវាងរថយន្តដឹកទំនិញពីគ្រឿងបុកគ្នា ។ ហេតុការណ៍ដ៍រន្ធត់នេះបានកើតឡើងកាលពីវេលាម៉ោង២យប់ឈានចូលថ្ងៃទី២៤ ខែសីហា ឆ្នាំ២០១៦ នៅចន្លោះគីឡូម៉ែត្រលេខ៩៩និង១០០ ស្ថិតក្នុងភូមិថ្មី ឃុំពង្រ ស្រុករលាប្អៀរ ខេត្តកំពង់ឆ្នាំង ។
សមត្ថកិច្ចមូលដ្ឋានបានឲ្យដឹងថា ជនរងគ្រោះដែលស្លាប់ក្នុងឧប្បត្តិហេតុគ្រោះថ្នាក់ចរាចរណ៍នេះ មានឈ្មោះ ហ៊ានហេងភេទប្រុស អាយុ៣៧ឆ្នាំ នៅឃុំកាឡៃ ស្រុកលំផាត់ ខេត្តរតនៈគិរី ។
សមត្ថកិច្ចបានឲ្យដឹងថា នៅមុនពេលកើតហេតុ មានរថយន្តមួយគ្រឿងម៉ាកហ៊ីយ៉ាន់ដាយ ពាក់ស្លាកលេខ កំពង់ចាម ៣A-៤១០៣ បានចតស្ងៀមនៅលើចិញ្ចើមផ្លូវ ស្រាប់តែនៅពេលកើតហេតុក៍មានរថយន្តមួយគ្រឿងម៉ាកហ្វីណូពណ៌ក្រហម ពាក់ស្លាកលេខប៉ៃលិន ៣A-០២៥៧ ធ្វើដំណើរក្នុងទិសដៅពីលិចទៅកើតហើយនៅពេលមកដល់ចំណុចកើតហេតុ គេឃើញរថយន្តបានរេចង្កូតទៅបុករថយន្តហ៊ីយ៉ាន់ដាយដែលកំពុងចតស្ងៀម ពីក្រោយពេញមួយទំហឹង ហើយរថយន្តហ្វីណូរួញកាប៊ីនមុខជាប់បុរសម្នាក់នៅក្នុងកាប៊ីស្លាប់ភ្លាមៗនៅនឹងកន្លែង ។
ក្រោយពេលកើតហេតុ មធ្យោបាយបង្កត្រូវបានយកមករក្សាទុកនៅអធិការនគរបាលស្រុករលាប្អៀរ ដើម្បីដោះស្រាយទៅតាមនីតិវិធី ៕ ចន្ថា
សូមអានបន្ត ៖ ប្រទេសអីុរ៉ង់ក្លាយជាខ្លាកំណាចនៅមជ្ឈិមបូព៌ាក្រោយផលិតបានមីស៊ីលការពារដោយខ្លួនឯង
