នគរបាលស្រុកសំរោងទង បង្រ្កាបក្រុមក្មេងទំនេីងបង្កហិង្សាដោយប្រេីដុំថ្មនិងក្បាច់គុនរបួសទាំងសងខាងរវាង២ក្រុមឃាត់ខ្លួនបាន០៩នាក់ កំពុងព្យាបាល០១នាក់ និង(គេចខ្លួន០២នាក់)

ចែករំលែក៖

ខេត្តកំពង់ស្ពឺ៖ លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ នៅព្រឹកថ្ងៃទី០៣ ខែមករា ឆ្នាំ២០២៥នេះ បានឱ្យដឹងថា បន្ទាប់ពីទទួលបានព័ត៌មានថា កម្លាំងសមត្ថកិច្ចនគរបាលស្រុកសំរោងទង បង្រ្កាបក្រុមក្មេងទំនេីងបង្កហិង្សាដោយប្រេីដុំថ្មនិងក្បាច់គុនរបួសទាំងសងខាងរវាង២ក្រុមឃាត់ខ្លួនបាន០៩នាក់ កំពុងព្យាបាល០១នាក់ និង(គេចខ្លួន០២នាក់) យកមកសាកសួរដេីម្បីចាត់ការតាមច្បាប់។

លោកស្នងការខេត្ត បានឱ្យដឹងទៀតថា មានករណីក្រុមក្មេងទំនេីង០២ក្រុម បានបេីកឆាកបង្កហឹង្សាកាលពីយប់ថ្ងៃទី៣១ ខែធ្នូ ឆ្នាំ២០២៤ វេលាម៉ោង ២២និង៤៥នាទី នៅចំណុចផ្លូវចូលភូមិអូរលេី ឃុំព្នាយ ស្រុកសំរោងទង ខេត្តកំង់ស្ពឺ ដោយអនុវត្ដតាមបទបញ្ជាកម្លាំងការិយាល័យជំនាញសហការជាមួយ កម្លាំងនគរបាលអធិការដ្ឋាននគរបាលស្រុកសំរោងទង ធ្វើការស្រាវជ្រាវរហូតកំណត់មុខសញ្ញាបាននិងឃាត់ខ្លួនក្រុមក្មេងទំនើងបានសរុប ០៩នាក់៖

-ក្រុមទី១ (អ្នកបង្កហេតុមុន) មានគ្នាប្រមាណ ៨នាក់ គេចខ្លួន ២នាក់

១.ឈ្មោះ ឆាយ ណេត ភេទប្រុស ១៩ឆ្នាំ ភូមិស្តៅឯម ឃុំក្រាំងចេក ស្រុកសាមគ្គីមុន្នីជ័យ -របួសថ្ងាសខាងស្តាំ ក្បាល និងខ្នង (ឃាត់ខ្លួន)

២.ឈ្មោះ ហូរ ហាក់ ហៅទាញ ភេទប្រុស អាយុ១៩ ឆ្នាំ ភូមិស្តៅឯម ឃុំក្រាំងចេក ស្រុកសាមគ្គីមុន្នីជ័យ (ឃាត់ខ្លួន)

៣.ឈ្មោះ ជី វួចលាង ហៅ តឿ ភេទប្រុស អាយុ ១៧ឆ្នាំ ភូមិដន្លង ឃុំក្រាំងចេក ស្រុកសាមគ្គីមុន្នីជ័យ -រងរបួសខ្នងក្រោយ (ឃាត់ខ្លួន)

៤.ឈ្មោះ ផាត រតនៈ ហៅឈីត ភេទប្រុស អាយុ ៣០ឆ្នាំ ភូមិស្តៅឯម ស្រុកសាមគ្គីមុនី្នជ័យ (ឃាត់ខ្លួន)

៥.ឈ្មោះ ធឿន រដ្ឋា ហៅ ជ្រូក ភេទប្រុស អាយុ ១៤ឆ្នាំ ភូមិស្តៅឯម ឃុំក្រាំងចេក ស្រុកសាមគ្គីមុន្នីជ័យ(ឃាត់ខ្លួន)

៦.ឈ្មោះ ណ វិ ស ភេទប្រុស អាយុ ២២ឆ្នាំ ភូមិស្តៅឯម ឃុំក្រាំងចេក ស្រុកសាមគ្គីមុន្នីជ័យ

៧.ឈ្មោះ ឃ ក.រ ហៅកាញ់ ភេទប្រុស អាយុ ២២ឆ្នាំ (គេចខ្លួន)

៨.ឈ្មោះ ផ ចិ ត ហៅប៉យ ភេទប្រុស អាយុ១៥ ឆ្នាំ(គេចខ្លួន)

-ក្រុមទី២ មានគ្នា ៤នាក់

១.ឈ្មោះ សុខ ដួង ភេទប្រុស អាយុ២២ឆ្នាំ នៅភូមិអំពិលផ្អែម

ឃុំក្រាំងចេក ស្រុកសាមគ្គីមុន្នីជ័យ -រងរបួសចង្កេះ (ឃាត់ខ្លួន)។

២.ឈ្មោះ គ្រន វីរៈ ភេទប្រុស អាយុ ២៨ ឆ្នាំ នៅភូមិក្រាំងតារ័ត្ន ឃុំព្នាយ ស្រុកសំរោងទង-រងរបួសចង្ការ នឹងកញ្ចឹងក (ឃាត់ខ្លួន)

៣.ឈ្មោះ អឿង សុគន្ធសម្បត្តិនីសា ភេទប្រុស អាយុ ២០ឆ្នាំ ភូមិ អំពិលផ្អែម ឃុំក្រាំងចេក ស្រុកសាមគ្គីមុន្នីជ័យ -រងរបួសដៃ នឹងជេីង (ឃាត់ខ្លួន) ។

៤.ឈ្មោះ គ្រន សារឿន ភេទប្រុស អាយុ ៣៤ឆ្នាំ ភូមិអូរលេី ឃុំព្នាយ ស្រុកសំរោងទង រងរបួសដៃ ខ្នង នឹង គុម្ពត្រជៀកខាងឆ្វេង សម្រាកព្យាបាលនៅមន្ទីពេទ្យ KS កំពង់ស្ពឺ (បន្ដនីតិវិធី)។

គួរបញ្ជាក់ថា យោងតាមចម្លើយឈ្មោះ ហូរ ហាក់ (ឃាត់ខ្លូន) មុនពេលកើតហេតុក្រុមរបស់ខ្លួនបានជិះម៉ូតូមកផឹកស៊ីនៅផ្ទះមួយ ក៏ឃេីញក្រុមទី២ ជិះពីមុខ ហេីយយកជេីងអូសដី បន្ទាប់មកបានដេញគប់ក្រុមទី២ ដល់ផ្ទះចិន ក្រុមទីពីរបានដេញគប់វិញរហូតដល់ផ្ទះអុំង៉ែត រួចបេីកឆាកប្រយុទ្ធគ្នាទៅវិញទៅមកតែម្ដង។

សមត្ថកិច្ចបានធ្វើការ ដកហូតវត្ថុតាង ម៉ូតូ៣ គ្រឿង និងដុំថ្ម៧ដុំ ។

បច្ចុប្បន្នមុខសញ្ញាក្មេងទំនើងទាំង០៩ និងកំពុងតែព្យាបាល០១នាក់ត្រូវបានកំលាំងជំនាញកសាងសំណុំរឿង ចំណាត់ការនីតិវិធីបន្ដ និងបន្ដស្រាវជ្រាវឃាត់មុខសញ្ញាគេចខ្លួនបន្ដ៕