រថយន្តតាកូម៉ាបើកគេចគោយន្តកន្ត្រៃខ្ទាតមនុស្សមកក្រៅស្លាប់ម្នាក់ និងរបួស៤នាក់ 

ខេត្តកំពង់ឆ្នាំង ៖ បុរសបានស្លាប់ និង ៤នាក់ផ្សេងទៀតបារងរបួសធ្ងន់ និងស្រាល នៅក្នុងហេតុការណ៍គ្រោះថ្នាក់ចរាចរណ៍ ដែលបង្កឡើងដោយរថយន្តគេចគោយន្តក្រឡាប់ធ្លាក់ផ្លូវ ។ ហេតុការណ៍នេះកើតឡើងកាលពីវេលាម៉ោង៥និង៣០នាទីព្រឹក ថ្ងៃទី៨ ខែកញ្ញា ឆ្នាំ២០១៦ នៅលើកំណាត់ផ្លូវជាតិលេខ៥ ក្នុងភូមិក្បាលដំរី ឃុំត្រពាំងចាន់ ស្រុកបរិបូរណ៍ ខេត្តកំពង់ឆ្នាំង ។

សមត្ថកិច្ចបានអោយដឹងថា រថយន្តនេះ ម៉ាកតួយ៉ូតា តាកូម៉ា ពាក់ស្លាកលេខ ភ្នំពេញ 2AI-6578 ធ្វើដំណើរពីភ្នំពេញ ឆ្ពោះទៅប៉ៃលិន នៅលើរថយន្តនេះ ជិះគ្នាជាច្រើននាក់ ។

ប្រភពនៅកន្លែងកើតហេតុបានអោយដឹងថា រថយន្តបង្ករនេះបើកបរក្នុងល្បឿនលឿន លុះទៅដល់ចំណុចកើតហេតុ វាក់នឹងគោយន្តកន្ត្រៃ ហើយអ្នកបើកបរបានព្យាយាមទាញចង្កូតគេច បណ្តាលអោយគ្រលែងធ្លាក់មនុស្សស្លាប់ និងរបួសតែម្តង ។

ប្រភពបានអោយដឹងទៀតថា រថយន្តនេះសង្ស័យដឹកពលករពីភ្នំពេញឆ្ពោះទៅកាន់ខេត្តប៉ៃលិន ក្រោយពេលកើតហេតុអ្នកបើកបរមិនបានឈប់នៅដោះស្រាយ និងយកជនរងគ្រោះទៅព្យាបាលនៅមន្ទីរឡើយ  ដោយគេបានទុកអ្នកស្លាប់ចោលនៅកន្លែងកើតហេតុ ដោយឡែកអ្នករងរបួស៤នាក់ទៀតគេបានលើកដាក់លើរថយន្តបើកបន្តដំណើរទៅមុខទៀតយ៉ាងលឿន មិនរំខានដល់សមត្ថកិច្ចឡើយ ៕ ចន្ថា