សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន ៖ នគរបាលការិយាល័យ ប្រឆាំងគ្រឿងញៀននៃស្នងការដ្ឋាននគរ បាលខេត្តប៉ៃលិនសហការជាមួយនគរបាលក្រុងប៉ៃលិនបានឃាត់ខ្លួនបុរស៣នាក់ពាក់ ព័ន្ធការប្រើប្រាស់ និងលក់ថ្នាំញៀនដើម្បី បញ្ជូនទៅតុលាការ ។
ករណីឃាត់ខ្លួនជនសង្ស័យទាំង៣នាក់នេះសមត្ថកិច្ចធ្វើឡើងកាលពីព្រឹកថ្ងៃទី ១២ ខែកញ្ញា ឆ្នាំ២០១៦ ហើយគ្រោង បញ្ជូនទៅតុលាការនៅព្រឹកថ្ងៃទី១៣ ខែ កញ្ញា ឆ្នាំ២០១៦ ដើម្បីបន្តនីតិវិធី ។
មន្រ្តីនគរបាលប្រឆាំងគ្រឿងញៀន បានឲ្យដឹងថា ជនសង្ស័យទាំង៣នាក់ ដែលត្រូវបានឃាត់ខ្លួនជាបន្តបន្ទាប់ទី១- ឈ្មោះ គឹម កញ្ញា អាយុ២៣ឆ្នាំ ទី២-ឈ្មោះ ឃ្លី វ៉ា អាយុ៣៥ឆ្នាំ អ្នកទាំង២រស់នៅភូមិ អូរពើត សង្កាត់ទួលល្វា ក្រុង-ខេត្តប៉ៃលិន និងទី៣-ឈ្មោះ ជួប ពៅ ហៅលាង អាយុ ២៧ឆ្នាំ មានទីលំនៅភូមិសួនអំពៅ សង្កាត់ ប៉ៃលិន ក្រុងប៉ៃលិន ។
មន្ត្រីខាងលើបញ្ជាក់ថា ជាមួយការចាប់ខ្លួនជនសង្ស័យសមត្ថកិច្ចបានដកហួតម៉ូតូ ១គ្រឿងម៉ាកហុងដាសេ១២៥ ពណ៌ខ្មៅ ពាក់ស្លាកលេខបាត់ដំបង 1A-1035 ជា របស់ឈ្មោះ ជួប ពៅ ហៅលាង ដែលជិះ ធ្វើសកម្មភាពចែកចាយថ្នាំញៀន។ ដោយ ឡែកជនសង្ស័យ២នាក់ទៀតនោះសមត្ថ កិច្ចបានដកហូតថ្នាំញៀនចំនួន៣គ្រាប់ ដែលពួកគេបានទិញយកមកជក់ ។
បច្ចុប្បន្នជនសង្ស័យប្រើប្រាស់ និងលក់ ថ្នាំញៀនខាងលើនេះត្រូវបានសមត្ថកិច្ច បញ្ជូនទៅតុលាការដើម្បីបន្តនីតិវិធី ៕ ស សារ៉េត
