ទុករថយន្តមុខផ្ទះត្រូវជនសង្ស័យលួចយកទៅបាត់បង្កការភ្ញាក់ផ្អើលទាំងយប់

ភ្នំពេញៈ រថយន្តកាមរីមួយគ្រឿង ត្រូវបានជនសង្ស័យលួចយកទៅបាត់ ខណៈដែលម្ចាស់ទុកនៅមុខផ្ទះហើយចូលគេង ហើយកំពុងលងលក់នៅខាងក្នុង បង្កការភ្ញាក់ផ្អើលកាលវេលាម៉ោង៣និង២០នាទីរំលងអធ្រាត្រ ឈានចូលថ្ងៃទី១៣ ខែកញ្ញា ឆ្នាំ២០១៦ ស្ថិតនៅផ្ទះជួលភូមិជម្ពូវន្ត សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះឈ្មាះ សួរ ប៑ុនថុល អាយុ៤៥ឆ្នាំ មុខរបរលក់ដូរ ស្នាក់នៅកន្លែងកើតហេតុខាង មានស្រុកកំណើតនៅភូមិកេាះតាង៉េា ឃំុសុគង ស្រុកកងមាស ខេត្តកំពង់ចាម និងប្រពន្ធឈ្មេាះសៀ សាំងជ័រអាយុ៣៦ឆ្នាំ មុខរបរលក់សំលៀកបំពាក់ ស្នាក់នៅជាមួយគ្នាមានស្រុកកំណើតនៅស្រុកព្រៃឈរ ខេត្តកំពង់ចាម រថយន្តដែលជនសង្ស័យលួចម៉ាកកាមរី ហើមពណ៌ស្លែ ពាក់ស្លាកលេខ ភ្នំពេញៈ2C.7349 ។

តាមប្រភពពត៌មានពីជនរងគ្រាះបាននិយាយថា នៅមុនពេលកើតហេតុ ពួកគាត់បានចូលដេកតាំពីព្រលប់ហើយនៅវេលោម៉ោងកើតហេតុជនរងគ្រាះជាប្តីដេកពំុលក់សោះលឺសូរសំឡេងសន្ធឹករថយន្តនៅមុខផ្ទះរបស់ខ្លួនហើយគាត់បានចេញពីក្នុងបន្ទប់មកក្រៅតែទ្វារផ្ទះរបស់គាត់ត្រូវជនសង្ស័យយកខ្សែចងពីក្រៅធ្វើអោយគាត់ទំរាំកាត់ចេញរួចរថយន្តត្រូវជនសង្ស័យយកទៅបាត់ហើយ។ ក្រោយពេលកើតហេតុជនរងគ្រេាះពីរនាក់ប្ដីប្រពន្ធបានមកដាក់ពាក្យបណ្តឹងនៅប៉ុសិ៍នគរបារដ្ឋបាលសង្កាត់ចោមចៅដើម្បីអោយសមត្ថកិច្ចជួយអន្តរាគមន៍តាមរយះស្លាកលេខ ៕ សុខាសែនជ័យ