សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ៖ សមត្ថកិច្ចនគរបាលស្រុកព្រែកប្រសព្វបានឃាត់រថយន្តមួយគ្រឿងដឹកក្របីចំនួន៨ក្បាលហើយអ្នកបើកបរចុះរត់គេចខ្លួនបាត់ ពេលនេះសមត្ថកិច្ចប្រកាសស្វែងរកម្ចាស់ក្របីមកទទួលយកក្របីទៅ វិញ។ការឃាត់រថយន្តដឹកក្របីនេះសមត្ថ កិច្ចបានធ្វើឡើងនៅចំណុចលើស្ពានបឹងរ៉ៃក្នុងឃុំប្ញស្សីកែវ ស្រុកព្រែកប្រសព្វ ខេត្ត ក្រចេះ កាលពីយប់ថ្ងៃទី១៧ ខែតុលា ឆ្នាំ២០១៦ហើយរថយន្តដឹកក្របីនេះត្រូវបានរក្សាទុកនៅអធិការដ្ឋាននគរបាលស្រុក។
មន្ត្រីនគរបាលស្រុកព្រែកប្រសព្វបានឲ្យដឹងថា នៅវេលាម៉ោងខាងលើសមត្ថកិច្ចបានឃាត់រថយន្តកូរ៉េមួយគ្រឿងដែលដឹកក្របីចំនួន៨ក្បាល នៅលើស្ពានបឹងរ៉ៃក្នុងឃុំប្ញស្សីកែវ ស្រុកព្រែកប្រសព្វ។ខណៈឃាត់រថយន្តនោះអ្នកបើកបរបានចុះគេច ខ្លួនបាត់បន្សល់ទុកតែរថយន្តនិងក្របីចំនួន៨ក្បាលនៅលើរថយន្ត។
បច្ចុប្បន្នរថយន្តនិងក្របីទាំង៨ក្បាល ត្រូវបានសមត្ថកិច្ចនាំមករក្សាទុកនៅអធិការដ្ឋានស្រុកព្រែកប្រសព្វដើម្បីស្វែងរក ម្ចាស់ឲ្យមកពិនិត្យភិនភាគក្របីនិងទទួល យកទៅវិញប្រសិនបើបានបាត់។
សមត្ថកិច្ចបានសន្និដ្ឋានថា ក្របីទាំង៨ក្បាលនេះអាចត្រូវគេលួចបម្រុងដឹកទៅ លក់នៅប្រទេសជិតខាងឬក៏យកទៅកុងសីុដើមី្បកាប់យកសាច់ព្រោះកន្លងទៅ ប្រជាពលរដ្ឋបានបាត់ក្របី គោ ជាញឹក ញាប់ណាស់៕ កោះទ្រុង
