សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ ក្រុមជនសង្ស័យជាអ្នកចែកចាយគ្រឿងញៀនមានគ្នាចំនួន២នាក់ ត្រូវបានកម្លាំងសមត្ថកិច្ចនគរបាលក្រុងនិងខេត្តកំពង់ឆ្នាំង សហការគ្នាឃាត់ខ្លួនកាលពីវេលាម៉ោង១២ថ្ងៃត្រង់ ថ្ងៃទី១៩ ខែតុលា ឆ្នាំ២០១៦ នៅក្នុងភូមិត្រពាំងចឹក្សា សង្កាត់កំពង់ឆ្នាំង ក្រុង-ខេត្តកំពង់ឆ្នាំង ។
សមត្ថកិច្ចបានឲ្យដឹងថា ជនសង្ស័យទាំង២នាក់ ដែលត្រូវចាប់ខ្លួននេះ ឈ្មោះវង្ស វាសនា ភេទប្រុស អាយុ19ឆ្នាំ មានទីលំនៅភូមិត្រពាំងបី សង្កាត់ផ្សារឆ្នាំង និងឈ្មោះ ថោង ច័ន្ទមុន្នី ភេទប្រុស អាយុ17ឆ្នាំ មានទីលំនៅភូមិត្រពាំងបី សង្កាត់ផ្សារឆ្នាំង ក្រុង-ខេត្តកំពង់ឆ្នាំង ។
សមត្ថកិច្ចឲ្យដឹងថា ក្នុងពេលឃាត់ខ្លួនជនសង្ស័យ សមត្ថកិច្ចដកហូតថ្នាំម្សៅក្រាមពណ៌ស 3កញ្ចប់តូច ម្សៅក្រាមពណ៌សធ្វើតេស្តរួច គ្មានសារធាតុញៀន1កញ្ចប់ធំ ។ សំភារះសំរាប់វេចខ្ចប់នឹងឧបករណ៍សំរាប់ប្រើប្រាស់គ្រឿងញៀនមួយចំនួន ។
ប្រភពបន្តថា ជនសង្ស័យគឺជាមុខសញ្ញាចាស់ ដែលសមត្ថកិច្ចតាមដានជាយូរមកហើយ ៗថ្ងៃនេះ នៅពេលក្រុមជនសង្ស័យណាត់គ្នាធ្វើសកម្មភាព ក៏បានដាក់កម្លាំងព័ទ្ធចាប់តែម្តង ។
ក្រោយពេលឃាត់ខ្លួន សមត្ថកិច្ច បានសាកសួរ និងកសាងសំណុំរឿងបញ្ជូនទៅតុលាការចាត់ការតាមនីតិវិធី ៕ ចន្ថា
