សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្ត Landcruiser មួយគ្រឿងសង្ស័យឆ្លងចរន្តអគ្គិសនីឆេះគ្រឿងម៉ាស៊ីនខាងមុខ ខណៈដែលម្ចាស់ចតចោល នៅក្នុងស្ថានីយ៍សាំង PTT តាមបណ្តោយមហាវិថីសហព័ន្ធរុស្ស៊ី ក្បែផ្លូវចូលទៅវត្តនាគវ័ន្ត បង្កឲ្យមានការភ្ញាក់ផ្អើលដល់ប្រជាពលរដ្ឋជាអ្នកដំណើរតាមផ្លូវឈប់មើល ។
ហេតុការណ៍នេះ បានកើតឡើងជិត៧យប់ ថ្ងៃទី២ ខែវិច្ឆិកា ឆ្នាំ២០១៦ ស្ថិតនៅក្នុងសង្កាត់ ស្រះចក ខណ្ឌដូនពេញ។
សមត្ថកិច្ចនៅកន្លែងកើតហេតុបានឲ្យដឹងថារថយន្តដែលឆាបឆេះ មួយកំណាត់មុខនេះខាងលើម៉ាក Landcruiser ពណ៌ស ពាក់ស្លាកលេខ ភ្នំពេញ ២AK-៩៦៨៩ ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុ គេរថយន្តខាងលើមកឈប់នៅកន្លែងកើតហេតុ ស្រាប់តែមួយសន្ទុះក្រោយមក ក៏មានផ្សែងហុយចេញពីខាងមុខរថយន្ត រួចក៏មានអណ្តាតភ្លើងឆាបឆេះឡើងតែម្តង ភ្លាមនោះក៏មានមានប្រជាពលរដ្ឋយកបំពង់បាញ់ពន្លត់អគ្គីភ័យជួយពន្លត់ទាន់ពេលនោះទើបភ្លើងរលត់ ។
ក្រោយពេលកើតហេតុ មិនបណ្តាលអោយគ្រោះថ្នាក់ដល់អ្នកណាម្នាក់នោះទេ ហើយត្រូវបានម្ចាស់ស្ទួចយកទៅជួសជុលដោយខ្លួនឯង ៕ ជ្រោយពេជ្រ
