សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សមត្ថកិច្ចនគរបាលខណ្ឌជ្រោយចង្វា សហការជាមួយប៉ុស្តិ៍ឃាត់ខ្លួនជនសង្ស័យ៦នាក់ ពាក់ព័ន្ធករណីគ្រឿងញៀនដកហូត ថ្នាំញៀន៣កញ្ចប់ និងម៉ូតូ៣គ្រឿង កាលពីម៉ោងរំលងអធ្រាត្រ ឈានចូលថ្ងៃទី៤ ខែវិច្ឆិកា ឆ្នាំ២០១៦ នៅត្រង់ចំណុចទល់មុខសាលាន័រតុន តាមផ្លូវកែវចិន្ដា ស្ថិតក្នុងភូមិ៣ សង្កាត-ខណ្ឌជ្រោយចង្វា។
សមត្ថកិច្ចនគរបាលខណ្ឌជ្រោយចង្វាបានឲ្យដឹងថា ជនសង្ស័យដែលត្រូវ ឃាត់ខ្លួនទី១-ឈ្មោះទូច រចនា អាយុ៣៤ឆ្នាំ មុខ របរជាងសំណង់ និងទី២-ឈ្មោះ ថន វិឆ័យ អាយុ២១ឆ្នាំ មុខរបរបើកឡានដឹកដី ជនសង្ស័យទាំង២នាក់ ស្នាក់នៅភូមិព្រែកលួង ឃុំព្រែកលួង ស្រុកខ្សាច់កណ្ដាល ខេត្តកណ្ដាល ទី៣-ឈ្មោះ វ៉ាន ចន្ធា អាយុ២៣ឆ្នាំ មុខរបរកម្មករសំណង់ ស្នាក់នៅភូមិអន្លង់ជ្រៃ ឃុំបាធាយ ស្រុកបាធាយ ខេត្តកណ្ដាល និងទី៤-ឈ្មោះ យ៉ន ពិសដ្ឋ អាយុ២០ឆ្នាំ មុខរបរនៅផ្ទះ ស្នាក់នៅភូមិពាន ឃុំរការកោង ស្រុកមុខកំពូល ខេត្តកណ្ដាល ទី៥-ឈ្មោះស ន រដ្ឋា អាយុ២៥ឆ្នាំ មុខរបរកម្មករ និងទី៦-ឈ្មោះ លាប ហេង អាយុ២៧ឆ្នាំ មុខរបរកម្មករ ជនសង្ស័យទាំង២នាក់ស្នាក់នៅការដ្ឋានសំណង់មួយកន្លែង តាមបណ្ដោយផ្លូវជាតិលេខ៦ស្ថិតក្នុងភូមិ៣ សង្កាត់ជ្រោយចង្វារ ខណ្ឌជ្រោយចង្វារាជធានីភ្នំពេញ។
អធិការរងនគរបាលខណ្ឌជ្រោយចង្វារ លោកឯក សេរីវុធ បា នបញ្ជាក់ថា ប្រត្តបត្តិការនេះបានធ្វើឡើងនៅខណៈដែលក្រុមជនសង្ស័យទាំងនេះ មកពីទិញថ្នាំញៀន ហើយធ្វើដំណើរដោយជិះម៉ូតូ៣គ្រឿង ឆ្លងកាត់គោលដៅដែលសមត្ថកិច្ចឈរជើង យាមល្បាតដើម្បីរក្សាសន្តិសុខ ក្នុងភូមិសាស្ត្រក៍ប្រទះឃើញ មានការសង្ស័យក៍ឃាត់ធ្វើការត្រួតពិនិត្យ ជាបន្តបន្ទាប់ស្រាប់តែរកឃើញថ្នាំញៀនជាម៉ាទឹកកក ចំនួន៣កញ្ចប់ ដែលបក្ខពួកបានលាក់ទុកក្នុងបំណងយកទៅសេពជាមួយគ្នា ទើបឈានដល់ការបង្ក្រាបតែម្ដង និងដកហូតមធ្យោបាយធ្វើដំណើរមានម៉ូតូ៣គ្រឿង ដែលជនសង្ស័យជិះធ្វើសកម្មភាពផងដែរ។
បច្ចុប្បន្ន ជនត្រូវសង្ស័យទាំង៦នាក់ រួមជាមួយវត្ថុតាង កំពុងឃាត់ខ្លួនបណ្ដោះ អាសន្ន នៅអធិការដ្ឋាននគរបាលខណ្ឌជ្រោយចង្វា ដើម្បីកសាងសំនុំរឿងបញ្ជូន ទៅសាលា ដំបូងរាជធានីភ្នំពេញ ចាត់ការតាមនិតិវិធី ៕ ជ្រោយពេជ្រ
