សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី៖ រថយន្តបាឡែន ១គ្រឿង ពណ៌ទឹកប្រាក់អត់ស្លាកលេខដឹកឈើប្រណីតប្រភេទធ្នង់ពេញរថយន្តត្រូវបានកម្លាំងជំនាញរដ្ឋបាលព្រៃឈើបរកែវ បង្ក្រាប បាន ខណៈដឹកជញ្ជូនបទល្មើសឈើទាំងនេះឈ្មួញបានយកមកលាក់ទុកនៅក្នុងចំការម្រេចបម្រុងដឹកជញ្ជូនចេញទៅប្រទេសវៀតណាម ។
ហេតុការណ៍នេះបានកើតឡើងកាលពីវេលាម៉ោង៣និង២៥នាទីរសៀល ថ្ងៃទី៨ ខែវិច្ចិកា ឆ្នាំ២០១៦ស្ថិតនៅភូមិ សោមកានិញ ឃុំ សោមគល់ ស្រុកអូរយ៉ាដាវ ខេត្តរតនគិរី ។
តាមការបញ្ជក់ពីលោក ឡេងយុគ នាយផ្នែករដ្ឋបាលព្រៃឈើបកែវបានឲ្យដឹងថា មានសេចក្តីរាយការពីភ្ងាក់ងារសម្ងាត់ទើបឈានទៅដល់ធ្វើការបង្ក្រាបនឹងរឹបអូសយកមករក្សាទុកនៅកន្លែងរដ្ឋបាលព្រៃឈើបកែវ។
បច្ចុប្បន្នឈើទាំងនោះមិនទាន់បានធ្វើការវាស់វែងនៅឡើយនោះទេ ចំណែកឯម្ចាស់រថយន្តបានរត់គេចខ្លួនបាត់ស្រមោល ៕ វុទ្ធឦសាន
