សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រុមជួយសង្គ្រោះជាច្រើននាក់បាននិងកំពុងបន្តប្រតិបត្តិការ ស្វែងរកកីឡាករ អុំទូក២នាក់ ដែលបានបាត់ខ្លួន ក្រោយទូករបស់ពួកគេចែកសាកល្បងបុកជាមួយទូកទេសចរណ៍ ។
គិតរហូតមកដល់ម៉ោងជាង៩ព្រឹកថ្ងៃទី១១ ខែវិច្ឆិកា ឆ្នាំ២០១៦ ជនរងគ្រោះ នៅមិនទាន់រកឃើញនៅឡើយទេ ក្រោយពេលទូកង បុកជាមួយ ទូកទេសចរណ៍ នៅមុខព្រះបរមរាជវាំង ខណៈដែលកំពុងសណ្តោង យកមកអុំប្រណាំងសាកល្បងនោះ ។
ប្រភពបានបញ្ជាក់ថា ជនរងគ្រោះ២នាក់ ក្នុងចំណោម៩នាក់ ដែលនៅលើទូក នៅមិនទាន់រកឃើញនៅឡើយទេ រហូតមកដល់ពេលនេះ ហើយនៅពេលនេះកម្លាំងប្រតិបត្តិការ បានចេញជួយស្វែងរកជាច្រើន អូប័រ។
សូមបញ្ជាក់ថា ទូក ង មកពីវត្តអម្ពវ័ន្ត ស្ថិតនៅសង្កាត់ព្រែកថ្មី ខណ្ឌច្បារអំពៅ មានឈ្មោះថា រស្មីស្រីស្រស់ដាញ់ទិព្វសែនជ័យ ពេលសណ្តោងមក ប្រណាំងសាកល្បង នៅព្រឹកថ្ងៃទី១១ ខែវិច្ឆិកា ឆ្នាំ២០១៦នេះ ស្រាប់តែបុកជាមួយ ទូកទេសចរណ៍ បណ្តាលឲ្យលិច នៅមុខព្រះបរមរាជវាំង ៕ ថាច់ យ៉ាត
