សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម៖ ជនរងគ្រោះ២នាក់ សា្លប់ភ្លាមៗនៅកន្លែងកើតហេតុបន្ទាប់ពីជិះ ម៉ូតូឌុបគ្នាបើកជែងរថយន្តទៅបុករថយន្តនៅពីមុខបង្កឲ្យមានការភ្ញាក់ផ្អើលកាលពី វេលាម៉ោង២និង២០នាទីរសៀល ថ្ងៃទី១៦ ខែធ្នូ ឆ្នាំ២០១៦ នៅលើផ្លូវលេខ៦១ ភូមិ ត្របែក ឃុំសំបូរ ស្រុកបាធាយ។
តាមសាក្សីនៅកន្លែងកើតហេតុបានឲ្យ ដឹងថា មុនពេលគ្រោះថ្នាក់កើតឡើងគេ ឃើញបុរស២នាក់ជិះម៉ូតូហុងដាសេ១២៥ ពណ៌ខ្មៅ ពាក់ស្លាកលេខសៀមរាប១H- ៩០២០ ធ្វើដំណើរក្នុងទិសដៅពីលិចទៅ កើត ។ លុះមកដល់កន្លែងកើតហេតុអ្នកជិះ ម៉ូតូបានជែងរថយន្តហើយក៏ជ្រុលចង្កូតទៅ ខាងឆ្វេងដៃបុករថយន្តកាមរីពណ៌ទឹកប្រាក់ ពាក់ស្លាកលេខភ្នំពេញ២Y-៤០៦៣ ធ្វើ ដំណើរក្នុងទិសដៅពីកើតទៅលិចច្រាសគ្នា។
លោកសុខ សូល អធិការរងនគរបាល ស្រុកបាធាយទទួលផ្នែកសណ្តាប់ធ្នាប់បានឲ្យ ដឹងថា ជនរងគ្រោះឈ្មោះ ឡុង មុំ ភេទប្រុស អាយុ៣៤ឆ្នាំ មានទីលំនៅភូមិទួលចាន់ ឃុំ ច្បារអំពៅ ស្រុកបាធាយ ខេត្តកំពង់ចាម អ្នក បើកម៉ូតូ និងម្នាក់ទៀតឈ្មោះសុខ រី េភទប្រុស អាយុ៤៤ឆ្នាំ រស់នៅភូមិឃុំជាមួយគ្នាអ្នកជិះពីក្រោយស្លាប់ទាំង២នាក់នៅកន្លែងកើតហេតុ។
លោកអធិការរងបញ្ជាក់ថា អ្នកបើករថយន្ត មិនស្គាល់អត្តសញ្ញាណបានរត់គេចខ្លួនបាត់ ដោយទុករថយន្តនៅកន្លែងកើតហេតុ ។ ចំណែកសមត្ថកិច្ចប្រគល់ឲ្យក្រុមគ្រួសារដើម្បីរៀប ចំចាត់ចែកធ្វើបុណ្យតាមប្រពៃណី។ រីឯ ម៉ូតូនិងរថយន្តសមត្ថកិច្ចយកទៅរក្សាទុកដើម្បី ដោះស្រាយតាមច្បាប់៕ ហេង នរិន្ទ្រ
