សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មនុស្សប្រុស២នាក់ រងរបួសធ្ងន់ ខណៈដែលជួបគ្រោះថ្នាក់ចរាចរណ៍មួយរវាងម៉ូតូសង់កូរ៉េឆ្លងថ្នល់មិនប្រយ័ត្នត្រូវម៉ូតូមួយគ្រឿងទៀត បុកបណ្តាលឲ្យរងរបួសតែម្តង។ហេតុការណ៍នេះបានកើតឡើងកាលពីវេលាម៉ោង១៥និង៥នាទី ថ្ងៃទី២៥ ខែឆ្នូ ឆ្នាំ២០១៦ នៅលើផ្លូវជាតិលេខ 01 ចន្លោះគីឡូម៉ែត្រ១៤០និង១៤១ ស្ថិតនៅភូមិលៀប ឃុំកណ្តៀងរាយ ស្រុកស្វាយទាប ខេត្តស្វាយរៀង ។
បើតាសមត្ថកិច្ចបានឲ្យដឹងថា មុនដំបូងមានម៉ូតូម៉ាក សង់កូរ៉េ ពណ៌ ក្រហម ស្លាកលេខ គ្មាន បើកបរដោយឈ្មោះ ដួង នេ ភេទប្រុស អាយុ ៥៦ ឆ្នាំ មុខរបរ កសិករ រស់នៅភូមិ ពោធិ៍ថ្មី ឃុំ ស្វាយតាយាន ស្រុកកំពង់រោទិ៍ ខេត្ត ស្វាយរៀង ទិសដៅពីជើង ទៅត្បូង(មិនពាក់មួកសុវត្ថិភាព) ។លុះដល់ចំនុចកើតហេតុខាងលើស្រាប់តែម៉ូតូម៉ាកហុងដាសេ125 ស៊េរីឆ្នាំ២០១២ពណ៌ ខ្មៅ ស្លាកលេខ ភ្នំពេញ 1BS 3464 អ្នកបើកបរឈ្មោះ សូត្រ សាត ភេទ ប្រុស អាយុ 22ឆ្នាំ មុខរបរ កសិករ រស់នៅភូមិ ព្រៃឈើទាល ឃុំប្រសូត្រ ស្រុកស្វាយទាប ខេត្តស្វាយរៀង (មិនពាក់មួកសុវត្តិភាព) ទិសដៅពីកើតទៅលិចបណ្តាលឲ្យរងរបួសធ្ងន់ទាំង២នាក់។
ក្រោយមកសមត្ថកិច្ចបានបញ្ជូនអ្នករងរបួសទៅមន្ទីរពេទ្យបង្អែកជីភក្រុងបាវិត ។
រីឯមធ្យោបាយម៉ូតូទាំងពីរគ្រឿងបានយកទៅរក្សាទុកនៅអធិការដ្ឋាននគរបាលស្រុកស្វាយទាប ៕ យឹម សុថាន
