សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យមានគ្នា៣នាក់បានធ្វើសកម្មភាពឆក់កាបួបពីនារីម្នាក់បានសម្រេច ហើយព្យាយាមជិះម៉ូតូគេចខ្លួនតែត្រូវបានប្រជាពលរដ្ឋបើករថយន្តដេញចាប់ប្រគល់អោយសមត្ថកិច្ច។
ហេតុការណ៍នេះ បានកើតឡើងកាលពីវេលាម៉ោង៩យប់ ថ្ងៃទី២៧ ខែធ្នូ ឆ្នាំ២០១៦ នៅចំណុចផ្លូវលេខ៤៣២កែងផ្លូវលេខ១៥៥ ស្ថិតក្នុងសង្កាត់ទួលទំពូងទី១ ខណ្ឌចំការមន។
ជនសង្ស័យទី១ ឈ្មោះ នូ រ័ត្ន ភេទប្រុស អាយុ១៨ឆ្នាំ មុខរបមិនពិតប្រាកដ ស្នាក់នៅម្តុំបឹងត្របែកទី២ឈ្មោះ ចាញ់ឡុងភេទប្រុសអាយុ១៥ឆ្នាំ មុខរបមិនពិតប្រកដ ស្នាក់ម្តុំ បឹងត្របែក ទី៣ឈ្មោះតូម៉ា ភេទប្រុសអាយុជាង២០ឆ្នាំមុខរបមិនពិតប្រដក។
តាមសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញនារីម្នាក់ ជិះម៉ូតូម៉ាក zoomerx. ពណ៌ទឹកក្រូចលាយខ្មៅ ពាក់ស្លាកលេខភ្នំពេញ1 CM 2149 ធ្វើដំណើរតាមបណ្តោយផ្លូវលេខ៤៣២ក្នុងទិសដៅពីកើតទៅលិច ខណៈមកដល់ចំណុចកើតហេតុស្រាប់តែមានជនសង្ស័យមានគ្នា៣ជិះម៉ូតូម៉ាក nex. ពណ៍ក្រហម ពាក់ស្លាកលេខភ្នំពេញ1FF9476 មកពីក្រោយធ្វើសកម្មភាពឆក់ការបូបស្ពាយបានសម្រេចហើយព្យាយាមជិះគេចខ្លួនភ្លាមនោះស្រាប់តែមានបុរសម្នាក់បើករថយន្តមកពីក្រោយឃើញដូចនេះក៏បើករថយន្តដេញតាមរហូតទៅដល់ក្បែរទូតចិនទើបបើកបំបុកធ្វើអោយម៉ូតូដួលចាប់បានភ្លាមៗតែម្តង។
ក្រោយពេលកើតហេតុជនសង្ស័យត្រូវបានប្រជាពលរដ្ឋប្រគល់អោយសមត្ថកិច្ចប៉ុស្តិ៍ទួលទំពូងទី១ ចាត់ការបន្តតាមនីតិវិធីច្បាប់ ៕ ភារ៉ា ដង្កោ
