នគរបាលស្រុកត្បូងឃាត់ខ្លួនជនសង្ស័យម្នាក់ពាក់ព័ន្ធនឹងសារធាតុញៀន

ខេត្តត្បូងឃ្មំុ៖ ជនសង្ស័យម្នាក់ត្រូវបានឃាត់ខ្លួន ខណៈរូបគេបើកម៉ូតូមកចំកន្លែងគោលដៅត្រួតពិនិត្យរបស់សមត្ថកិច្ចនគរបាលស្រុកត្បូងឃ្មំុហើយឆែកឆេរលើខ្លួនគេមានលាក់ទុកនូវសារធាតុញៀន ៣ កញ្ចប់។

ករណីនេះធ្វើឡើងនៅវេលាម៉ោង៩និង១៥នាទីយប់ ថ្ងៃទី២៧ ខែធ្នូ ឆ្នាំ២០១៦ ត្រង់ចំណុចលើផ្លូវជាតិលេខ ៧ ក្នុងភូមិទួលវិហារ ឃុំជីរោទី២ ស្រុក_ខេត្តត្បូងឃ្មំុ។

សម្មត្ថកិច្ចនគរបាលបានឲ្យដឹងថា ជនសង្ស័យ ឈ្មោះ នាង ងន់ហេង ភេទប្រុស អាយុ២០ឆ្នាំ នៅភូមិទួលទ្រាជើង ឃុំជប់ ស្រុកត្បូងឃ្មុំ ។

ករណីនេះសមត្ថកិច្ចដកហូតបានម្សៅក្រាមពណ៌ស សង្ស័យថ្នាំញៀនចំនួន៣កញ្ចប់ (តូច ២ កញ្ចប់ ធំ ១កញ្ចប់) ឧបករណ៍ប្រើប្រាស់ និងវិចខ្ចប់ មួយចំនួនតូច ទូរស័ព្ទដៃ ម៉ាកណូគាចាស់ ១គ្រឿង ម៉ូតូម៉ាកហុងដា ZOOMER ចំនួន ១ គ្រឿង។ ដោយឡែកបក្សពួក ជនសង្ស័យម្នាក់ ឈ្មោះ ណាក់ ភេទប្រុស អាយុ ២២ ឆ្នាំ មិនទាន់ស្គាល់សាវតាជាតិ បានរត់គេចខ្លួនក្នុងខណៈពេល សមត្ថកិច្ចហៅឈប់ពិនិត្យ។

បច្ចុប្បន្ន ជនសង្ស័យ និងវត្ថុតាងសមត្ថកិច្ចជំនាញនគរបាលស្រុកកំពុងសាកសួរបន្តនីតិវិធី៕ វណ្ណៈ