សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ កាលពីថ្ងៃទី១៧ ខែមករា ឆ្នាំ២០១៧ វេលាម៉ោង១៤និង៣៥នាទី នៅចំណុចក្នុងផ្ទះជួលគ្មានលេខ ផ្លូវលេខ៣៧១ ក្រុមទី០១ ភូមិ ក្បាលទំនប់២ សង្កាត់ បឹងទំពុន ខណ្ឌមានជ័យ រាជធានីភ្នំពេញ កម្លាំងអធិការដ្ឋាននគរបាលខណ្ឌមានជ័យ និង កម្លាំងនគរបាលប៉ុស្តិ៍បឹងទំពុន បានសហការជាមួយកម្លាំងសាលាសង្កាត់បឹងទំពុន ចុះត្រួតពិនិត្យរដ្ឋបាលតាមផ្ទះជួលស្នាក់ ហើយបានឃាត់ខ្លួនជនសង្ស័យ០២នាក់ ពីបទជួញដូរសារធាតុញៀន ។
ជនសង្ស័យដែលឃាត់ខ្លួនឈ្មោះ ១-ឈ្មោះ មិន សារិ ភេទ ប្រុស អាយុ ៣៧ ឆ្នាំ ជនជាតិខ្មែរ មុខរបរ រត់ម៉ូតូឌុប ស្នាក់នៅផ្ទះជួលគ្មានលេខ ផ្លូវលេខ៣៧១ ក្រុមទី០១ ភូមិ ក្បាលទំនប់២ សង្កាត់ បឹងទំពុន ខណ្ឌមានជ័យ រាជធានីភ្នំពេញ ២-ឈ្មោះ ឈួន សំណាង ភេទ ប្រុស អាយុ ៣៥ ឆ្នាំ ជនជាតិខ្មែរ មុខរបរ រត់ម៉ូតូឌុប ស្នាក់នៅផ្ទះគ្មានលេខ ផ្លូវលំ ភូមិ ស្វាយដង្គ ខេត្ត សៀមរាប ។
ជាមួយគ្នានេះ សមត្ថកិច្ចដកហូតវត្ថុតាង ៖ ក្រាមពណ៍សថ្លា(សង្ស័យជាគ្រឿងញៀន) ចំនួន១៦កញ្ចប់ថង់(កញ្ចប់ធំ០៤,កញ្ចប់តូច១៤), កូនថង់ក្រណាត់ចំនួន ០១, ជញ្ជីងអេឡិចត្រូនិច០១គ្រឿង និង ទូរស័ព្ទដៃចាស់ចំនួន ០៣ គ្រឿង ។
បច្ចុប្បន្នជនសង្ស័យខាងលើឃាត់ខ្លួននៅអធិការដ្ឋាន ដើម្បីកសាងសំណុំរឿង៕ តាឡឹម
