សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យជួញដូរនិងប្រេីប្រាស់គ្រឿងញៀនពីរនាក់ រួមជាមួយថ្នាំញៀន ១កញ្ចប់ធំ និង២ កញ្ចប់តូច ត្រូវបាសតម្ថកិច្ចខណ្ឌមានជ័យ ឡោមពទ្ធ័បង្ក្រាបបាននៅផ្ទះសំណាក់យីហោអប្សារាមង្គល២ ។
ប្រត្តិបត្តការណ៍នេះបានធ្វើឡើងកាលពីវេលាម៉ោង ២ និង ៣០ នាទីរសៀល ថ្ងៃទី ១៩ ខែមករា ឆ្នាំ ២០១៧ ស្ថិតនៅក្នុងភូមិដំណាក់ធំ ២ សង្កាត់សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
កិច្ចប្រត្តិបត្តការណ៍នេះដឹកនាំកម្លាំងដោយលោក ហួរ ម៉េងវ៉ាង អធិការរងខណ្ឌមានជ័យ បានសហការជាមួយលោក ម៉ៅ សាវឿន នាយប៉ុស្ដិ៍នគរបាលរដ្ឋបាលស្ទឹងមានជ័យបានសហការណ៍ចុះបង្ក្រាបករណីខាងលេីនេះ ហេីយបានឃាត់ខ្លួនបាននូវជនសង្ស័យ ២ នាក់ដោយជនសង្ស័យទី១ឈ្មោះ ប៉ោ ម៉ាប់ ភេទប្រុស អាយុ ២៩ឆ្នាំ មុខរបរអ្នកចិញ្ចឹមមាន់ ហេីយមានស្រុកកំណេីតនៅឃុំកោះធំ ស្រុកកោះធំ ខេត្តកណ្ដាល។ ជនសង្ស័យទី២ ឈ្មោះ ហៀង នី ភេទស្រី អាយុ ២៥ ឆ្នាំ មានមុខរបរមិនពិតប្រាកដ ហេីយមានស្រុកកំណេីតនៅស្រុកស្រីសន្ធរ ខេត្តកំពង់ចាម
ក្នុងកិច្ចប្រតិបត្តការនេះសមត្ថកិច្ចដកហូតបាននូវថ្នាំញៀនមួយកញ្ចប់ធំ និង ២ កញ្ចប់តូច និងសំភារៈមួយចំនួនដូចជាលុយខ្មែរមួយលានរៀល លុយដុល្លាមួយរយដុល្លារ និងទូរសព្ទ័ I Phone 5 ចំនួន ៣ គ្រឿង ម៉ូតូហុងដាសេ១២៥មួយគ្រឿង ពណ៌ខ្មៅ ពាក់ស្លាកលេខ ភ្នំពេញ1 FV.0292 ។
បច្ចុប្បន្នជនសង្ស័យទាំងពីរនាក់ រួមជាមួយនឹងវត្ថុតាងត្រូវបានសមត្ថកិច្ចយកមកសួរនាំនៅប៉ុស្ដិ៍នគរបាលរដ្ឋបាលស្ទឹងមានជ័យ ដេីម្បីកសាងសំណុំរឿងបញ្ជូន ទៅកាន់អធិការដ្ឋាននគរបាលខណ្ឌមានជ័យដេីម្បីចាត់ការបន្តតាមនិតិវិធីច្បាប់៕ភារ៉ា ដង្កោ
