សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មំុ៖ ជនសង្ស័យ២នាក់ត្រូវ បានកម្លាំងនអធិការនគរបាលក្រុងសួងចាប់ខ្លួនជាបន្តបន្ទាប់ ក្នុងបទល្មើស គ្រឿងញៀន ។
ការឃាត់ជនសង្ស័យខាងលើធ្វើឡើងកាលវេលាម៉ោង៨យប់ ថ្ងៃទី១៨ ខែមករា ឆ្នាំ២០១៧ នៅចំណុចភូមិសួងកើត សង្កាត់_ក្រុងសួង ខេត្តត្បូងឃ្មំុ និងចំណុចភូមិទួលទ្រាត្បូង ឃុំជុប ស្រុក_ត្បូងឃ្មុំ ។
អធិការក្រុងសួង លោក ឈន សុធន បានឲ្យដឹងថា ជនសង្ស័យមាន ឈ្មោះឡាយ សំណាង ភេទប្រុស អាយុ១៩ឆ្នាំ រស់នៅភូមិវាលចារ សង្កាត់វិហារលួង ក្រុងសួង ដកហូតថ្នាំញៀន ៣កញ្ចប់តូច ។
លោកអធិការបានឲ្យដឹងបន្តថា តាមចម្លើយឈ្មោះ ឡាយ សំណាង បានឆ្លេីយថា ថ្នាំ៣កញ្ចប់តូចនេះ ខ្លួនបានទិញពី ឈ្មោះ ច្រឹន ម៉េងអូ៑ ភេទប្រុស អាយុ៣៧ឆ្នាំ មានទីលំនៅភូមិទួលទ្រា ឃុំជុប ស្រុកត្បូងឃ្មុំ ហើយនៅម៉ោង៧និង៤៥នាទីយប់ ថ្ងៃ ខែ ឆ្នាំដដែល សមត្ថកិច្ច
បានឈានដល់ឃាត់ខ្លួនឈ្មោះ ច្រឹន ម៉េងអូ៑ បន្តទៀត។
លោកអធិការក៏បានបញ្ជាក់ឲ្យដឹងថា បច្ចុប្បន្នជនសង្ស័យ និងវត្ថុតាងត្រូវបាននគរបាលជំនាញក្រុងកំពុងកសាងសំណំុរឿងបញ្ជូនទៅសាលាដំបូងខេត្តត្បូងឃ្មំុចាត់ការតាមច្បាប់៕ វណ្ណះ
