សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នគរបាលប៉ុស្តិ៍ចោមចៅឃាត់ខ្លួនជនសង្ស័យ២នាក់ប្តី ប្រពន្ធ ដកហូតថ្នាំញៀន៧កញ្ចប់តូច កាលពីវេលាម៉ោង២និង៣០នាទីរសៀល ថ្ងៃទី២០ ខែមករា ឆ្នាំ២០១៧ នៅចំណុចបន្ទប់ជួលមួយកន្លែង ភូមិព្រៃព្រីខាងជើង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
សមត្ថកិច្ចឲ្យដឹងថា ជនសង្ស័យទី១ឈ្មោះព្រុំ សីថន ភេទស្រី អាយុ២៤ឆ្នាំ មុខរបមិនពិតប្រាដក ទី២ឈ្មោះវ៉េង បញ្ញា ភេទប្រុស អាយុ៣២ឆ្នាំ មុខរបរមិនពិតប្រាដក អ្នកទាំង២ស្នាក់នៅចំណុចបន្ទប់ជួលមួយកន្លែង ភូមិព្រៃព្រីខាងជើង សង្កាត់ចោមចៅ ខណ្ឌពោធិ៍សែនជ័យ។
តាមការរៀបរាប់ពីលោកតេង កុសល មេប៉ុស្តិ៍ចោមចៅ បានអោយដឹងថា ដោយមានរាយការណ៍ពីប្រជាពលរដ្ឋបានបង្ហើបប្រាប់ថា ទីតាំងខាងលើមានការសំងំប្រើប្រាស់ និងជូញដូគ្រឿងញៀន ទើបលោកដឹកនាំកម្លាំងចុះដោយផ្ទាល់ឆែកឆេរទីតាំងខាងលើ រកឃើញថ្នាំញៀនចំនួន៧កញ្ចប់តូចទើបឃាត់ខ្លួនតែម្តង។
ក្រោយឃាត់ខ្លួនកម្លាំងបាននាំទៅសាកសួនៅប៉ុស្តិ៍ចោមចៅ និងកសាងសំណុំរឿងបញ្ជូនទៅអធិការនគរបាលខណ្ឌពោធិ៍សែនជ័យចាត់ការបន្ត ៕ សុខាសែនជ័យ
