សារព័ត៌មាន នគរវត្ត តែងតែនាំមុខគេជានិច្ច
ខេត្តកំពត៖ ផ្ទះឈើ និងថ្មពីរខ្នង ត្រូវបានភ្លើងឆាបឆេះអស់ទាំងស្រុង ខូចខាតទ្រព្យសម្បត្តិរាប់ម៉ឺនដុល្លារ កាលពីវេលាម៉ោង១០ និង៣០នាទីព្រឹក ថ្ងៃទី០៧ ខែកុម្ភៈ ឆ្នាំ២០១៧ នៅចំណុចភូមិអង្គឃ្លៃ ឃុំត្រមែង ស្រុកឈូក។
លោកអនុសេនីយ៍ឯក ណុប សារេន នាយប៉ុស្តិនគរបាលរដ្ឋបាលឃុំត្រមែង បានមានប្រសាសន៍ថា ផ្ទះដែលរងការខូចខាតដោយភ្លើងឆេះមានចំនួន២ខ្នង ទីមួយទំហំ ៥ គុណ៨ ឈើប្រកក្បឿង ទីពីរ ទំហំ ៦ គុណ ៨ ឈើលើថ្មក្រោម ជាកម្មសិទ្ធរបស់លោក សាស់ ប្រាក់ អាយុ៦៤ឆ្នាំ និងលោក ឃិន ស៉ីណាត អាយុ៣៦ ឆ្នាំ ជនរងគ្រោះទាំងពីរជាឪពុក និងកូន។
លោកថា ចំពោះទ្រព្យសម្បត្តិដែលខូតខាតរួមមាន ម៉ាស៊ិនកិនស្រូវកំលាំង១៨ សេស ១គ្រឿង ស្រូវ១០បាវ ប្រាក់រៀល ៥២០០០០០ ៛ ប្រាក់ដុល្លា១៧០០ $ មាស១ តម្លឹង ៨ ជី គ្រែ តុ ទូ សំលៀកបំពាក់ និងសម្ភារះ មួយចំនួនធំទៀត សរុបមានទឹកប្រាក់រាប់ម៉ឺនដុល្លា។
មូលហេតុដែលផ្តើមអោយឆាបឆេះ គឺដោយសារ បញ្ហាចរន្តអគ្គិសនី ៕
