ឆ្លងចរន្តអគ្គីសនីលើបង្គោល បង្កជាអណ្តាតភ្លើងសន្ធោសន្ធៅភ្ញាក់ផ្អើលពលរដ្ឋ

ចែករំលែក៖

ខេត្តព្រះសីហនុ៖ នៅវេលាម៉ោង៧និង៣០នាទី ព្រឹកថ្ងៃទី២០ ខែកុម្ភៈ ឆ្នាំ២០១៧ មានការភ្ញាក់ផ្អើល មួយឈុលឡើងខណៈដែលមានអណ្តាតភ្លើង ឆាបឆេះយ៉ាងសន្ធោរសន្ធៅនៅលើបង្គោលខ្សែ ភ្លើងត្រង់ចំណុចក្រុម ១២ ភូមិ២ សង្កាត់ ២ ក្រុងព្រះសីហនុ ខេត្តព្រះសីហនុ។

សមត្ថកិច្ចនគរបាលការិយាល័យបង្ការ និងពន្លត់អគ្គីភ័យនៃស្នងការរដ្ឋាននគរបាលខេត្តព្រះសីហនុដែលចុះមកដល់កន្លែងកើតហេតុខាងលើបានឲ្យដឹងថា ករណីឆាបឆេះខ្សែរ ភ្លើងនៅលើបង្គោលតាមពេលវេលាខាងលើ បណ្តាលមកពីឆ្លងចរន្តអគ្គីសនី ដែលគេដាក់ការសង្ស័យថា មកពីការកាត់ខ្សែចាស់ដែលកាត់ទុកចោលមិនរុំស្គុត ខណៈដែលមុខខ្សែរប៉ះគ្នា ក៏បង្កជាអណ្តាតភ្លើងឆេះទៅលើសំណុំខ្សែរភ្លើងនៅលើបង្គោលយ៉ាងសន្ធោរសន្ធៅ បង្កឲ្យមានការភ្ញាក់ផ្អើលទាំងព្រឹក។

បន្ទាប់ពីកើតហេតុខាងលើកម្លាំងនគរបាលប៉ុស្តិ៍រដ្ឋបាលសង្កាត់ ២ និងកម្លាំងនគរបាលការិយាល័យបង្ការ និងពន្លត់អគ្គីភ័យ នៃស្នងការដ្ឋាននគរបាលខេត្តព្រះសីហនុ បានចុះដល់កន្លែងកើតហេតុភា្លមៗ និងបិទបារ៉ែតភ្លើង និង ប្រើប្រាស់បំពង់ឧស្ម័ន បាញ់ទឹកពន្លត់បានទាន់ពេលវេលា មិនអាចឆ្លងរាលដាលទៅលើលំនៅឋា របស់ប្រជាពលរដ្ឋនៅក្បែរកន្លែងកើតហេតុខាងលើនោះឡើយ ៕ ឆ្លាម សមុទ្រ