សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នគរបាលខណ្ឌ សហការជាមួយនគរបាលប៉ុស្តិ៍ស្វាយប៉ាកបានឆ្មក់ ចូលបង្ក្រាបចទីតាំងជួញដូរ និងចែកចាយគ្រឿងញៀន ជាបន្តបន្ទាប់ចំនួន០២ទីតាំងក្បែរគ្នានិងបានឃាត់ខ្លួនជនសង្ស័យប្រុសស្រីចំនួន០២នាក់ដកហូតថ្នាំញៀនចំនួន២៤កញ្ចប់តូចធំ យ៉ាម៉ា២គ្រាប់កន្លះ និងឧបករណ៍ប្រើប្រាស់មួយចំនួនកាលពីវេលាម៉ោង៥និង៤១៥នាទីល្ងាចថ្ងៃទី២០ ខែកុម្ភៈ ឆ្នាំ២០១៧ នៅចំណុចផ្ទះលេខ២៩៧ផ្លូវបេតុងក្រុមទី៥ភូមិឡកំបោសង្កាត់ស្វាយប៉ាក ខណ្ឌឫស្សីកែវ ។
សមត្ថកិច្ចបានឱ្យដឹងថា ជនសង្ស័យប្រុសស្រីទាំង០២នាក់ទី់១ឈ្មោះ ជា គា ភេទប្រុស អាយុ២៧ឆ្នាំ មុខរបជាងសំណង់ ស្នាក់ក្រុមទី៧ សង្កាត់ស្វាយប៉ាក ខណ្ឌឬស្សីកែវ ទី២.គង់ សាមឌី ភេទស្រី អាយុ៣២ឆ្នាំ មុខរបរបោកខោអាវ ស្នាក់នៅផ្ទះជួលបុរី១០០ខ្នង សង្កាត់ទឹកថ្លា ខណ្ឌសែនសុខ។
សមត្ថកិច្ចបានបន្តទៀតថា នៅក្នុងប្រតិបត្តិការនេះ សមត្ថកិច្ចបានស្រាវជ្រាវ រហូតឈានដល់ការឆ្មក់ចូលបង្ក្រាបទីតាំងជួញដូរ និងចែកចាយគ្រឿង ញៀនជាបន្តបន្ទាប់ ចំនួន០២ទីតាំងនៅផ្ទះក្បែរគ្នាកើតហេតុខាងលើនិងឃាត់ខ្លួនបានជនសង្ស័យប្រុសស្រីចំនួន០២នាក់ដកហូតថ្នាំញៀន២៤កញ្ចប់តូច១៤ធំ១០កញ្ចប់ថ្នាំយ៉ាម៉ាចំនួន០២គ្រាប់កន្លះនិងឧបករណ៍ប្រើប្រាស់មួយចំនួនហើយសមត្ថកិច្ចយើងបាននាំខ្លួនទៅកាន់អធិការដ្ឋាន ដើម្បីសាកសួរ។
បច្ចុប្បន្នជនសង្ស័យប្រុស ស្រីទាំង២នាក់ខាងលើរួមនឹងវត្ថុតាងត្រូវសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌឬស្សីកែវ ដើម្បីកសាងសំណុំរឿង បញ្ជូនទៅកាន់តុលាការចាត់ការបន្តតាមផ្លូវច្បាប់ ។
បញ្ហាគ្រឿងញៀននេះ គេបានឃេីញអាជ្ញាធរ ក៏ដូចជាសមត្ថកិច្ចបាន ខិតខំប្រឹងប្រែងស្រាវជ្រាវបង្រ្កាបដូចភ្លៀងរលឹម៕ អរុណរះ
