សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ នារីវ័យក្មេងរូបស្រស់ម្នាក់ត្រូវបានកម្លាំអធិការដ្ឋាននគបាលស្រុកបាទ ឃាត់ខ្លួនភ្លាមៗពីបទប្រើប្រាស់ និងចែកចាយគ្រឿងញៀន ។
ហេតុការណ៍ចុះបង្រ្គាបនេះកើតឡើងនៅថ្ងៃទី ២៩ ខែ មីនា ឆ្នាំ ២០១៧ នៅក្នុងបន្ទប់ជួលមួយកន្លែងក្នុងភូមិ រូង ឃុំ ក្រាំងលាវ ស្រុក បាទី ខេត្តតាកែវ ។
យោងតាមរបាយការណ៍របស់អធិការដ្ឋាននគបាលស្រុកបាទី បានឲ្យដឹងថា ក្រោយពីកំណត់មុខសញ្ញាកម្លាំងជំនាញសហការណ៍ជាមួយកំលាំងប៉ុស្តិ៍នគបាលរដ្ឋបាលឃុំក្រាំលាវ បានធ្វើការបង្រ្គាបឃាត់ខ្លួនបានជនសង្ស័យម្នាក់ឈ្មោះ ចក់ ស្រីល័ក្ខ ភេទស្រី អាយុ ២១ ឆ្នាំ មានស្រុកកំណើតនៅភូមិ តាសិត ឃុំ ពពេល ស្រុក ត្រាំកក់ ខេត្តតាកែវ រួមជាមួយនឹងវត្ថុតាងមួយចំនួនរួមមាន ថ្នាំញៀនចំនួន ១៦ កញ្ចប់ ឧបករណ៍ប្រើប្រាស់គ្រឿងញៀនមួយចំនួន ទូរស័ព្ទដៃ ។
បច្ចុប្បន្នជនសង្ស័យរួមទាំងវត្ថុតាង កម្លាំងជំនាញកំពុងកសាងសំណុំរឿងទៅតាមនីតិវិធី ៕ ភ្នំដា
