សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែតៈ ម៉ូតូមួយគ្រឿងម៉ាកស៊ីប៊ីអរ័បើកក្នុងល្បឿនលឿន ជែងរថយន្តស្របទិសមិនប្រយ័ត្នជ្រុលចង្កូតបុកម៉ូតូស្មាសរងរបួសធ្ងន់ស្រាលបីនាក់ កាលពីវេលាម៉ោង៧និង២៥នាទីយប់ ថ្ងៃទី៣១ ខែមីនា ឆ្នាំ២០១៧ នៅតាមផ្លូវបេតុង ភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
នគរបាលការពារព្រំដែនគោកលេខ911ប្រាប់ថា មុនកើតហេតុ ម៉ូតូម៉ាកស៊ីប៊ីអ័រមួយគ្រឿង ពាក់ស្លាក លេខ ភ្នំពេញ 1FD0850 ជិះ២នាក់ បើកបរដោយឈ្មោះ សារិទ្ធ ភេទប្រុស អាយុជាង២០ឆ្នាំ អ្នកជិះក្រោយ ឈ្មោះ តាក់ (ជនជាតិថៃ) មុខរបរកម្មករ អ្នកទាំងពីរស្នាក់នៅកន្លែងក្រុមហ៊ុនការស៊ីណូផ្កាយប្រាំ ដែលកំពុងសាងសង់(ភ្នំមួយរយ) ភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត បើកក្នុងល្បឿនលឿន លុះមកដល់ចំណុចកើតហេតុ ឡើងទួលកាត់ទទឹងផ្លូវ រួចជែងរថយន្តស្របទិស យកចង្កូតមិនទាន់ ជ្រុលទៅបុកម៉ូតូម៉ាក ស្មាស ពណ៌ក្រហម ស្លាកលេខពោធិ៍សាត់ 1A 4723 បើកបរដោយមាន ឈ្មោះ ជឿន ភេទប្រុស បំរើការជាសន្តិសុខហ្គោលដិន ស្នាក់នៅអគារបុគ្គលិកហ្គោលឌិនដើមស្រល់ ដែលធ្វើដំណើរបញ្ជ្រាសទិសគ្នា បណ្ដាលឲ្យរងរបួសធ្ងន់ស្រាលទាំងសងខាងតែម្ដង។
ប្រភពបន្តថា អ្នកបើកបរម៉ូតូស្មាសត្រូវសន្តិសុខបញ្ជូនជនរងគ្រោះបន្តទៅមន្ទីរពេទ្យកម្ពុជា ជប៉ុន ស្រុកមង្គលបូរី រីឯអ្នកជិះម៉ូតូស៊ីប៊ីអ័រ ត្រូវបានសាច់ញាតិបញ្ជូនទៅសំរាកព្យាបាលឯកជនក្នុងក្រុងប៉ោយប៉ែត យីហោនគររាជ។
ចំណែកម៉ូតូទាំងពី ត្រូវបាននគរបាលការពារព្រំដែនគោកលេខ911 ប្រគល់ឲ្យកម្លាំងនគរបាលអធិការក្រុងប៉ោយប៉ែតយកថែរក្សាទុក ក្រោយពីវាសវែងរួច រង់ចាំដោះស្រាយតាមផ្លូវច្បាប់ ៕ វណ្ណា
