សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យុវជនម្នាក់បានរងរបួសធ្ងន់ បាក់ឆ្អឹងកំភួនជើងខាងស្តាំហូរឈាមសន្លប់ស្ដូកស្ដឹងនឹងកន្លែង ខណៈដែលមានករណីគ្រោះថ្នាក់ដោយជិះម៉ូតូក្នុងល្បឿនលឿនមិនប្រកាន់ស្ដាំទៅបុកនឹងរថយន្តហាយឡែនដឺ ពណ៌ទឹកមាសមួយគ្រឿងទិសដៅបញ្ច្រាសគ្នាលើកំណាត់ផ្លូវជាតិលេខ១ កាលពីវេលាម៉ោង៧ព្រឹក ថ្ងៃទី១ ខែមេសា ឆ្នាំ២០១៧ នៅចន្លោះគីឡូម៉ែត្រ១៤១និង១៤២ ស្ថិតនៅភូមិ ដើមពោធិ៍ ឃុំស្វាយតាយាន ស្រុកកំពង់រោទិ៍ ខេត្តស្វាយរៀង។
សមត្ថកិច្ចនគរបាលស្រុកបានឲ្យដឹងថា យុវជនដែលរងរបួសមានឈ្មោះ ជូន សក្តដា ភេទប្រុស អាយុ២១ឆ្នាំ មុខរបរ កម្មកររោងចក្រ រស់នៅភូមិ ត្រពាំង ឃុំព្រះពន្លា ស្រុកកំពង់រោទិ៍ ខេត្តស្វាយរៀង ខណះជិះម៉ូតូ ម៉ាកហុងដាសេ១២៥ សេរីឆ្នាំ២០១១ ពណ៌ ខ្មៅ ពាក់ស្លាកលេខ កណ្តាល ១N ០៨៩២ ខូចខាតយ៉ាងដំណំ ។
រីឯអ្នកបើករថយន្តមានឈ្មោះ វ៉ា សុធី ភេទ ប្រុស អាយុ ៣១ឆ្នាំ មុខរបរ បុគ្គលិករោងចក្រ រស់នៅភូមិ សាមគ្គី សង្កាត់ស្វាយតឿ ក្រុងស្វាយរៀង។
តាមសាក្សីបានឲ្យដឹងថា មុនកើតហេតុមានយុវជនម្នាក់បានជិះម៉ូតូ ម៉ាកហុងដាសេ១២៥មួយគ្រឿង លើកំណាត់ផ្លូវជាតិលេខ១ ដោយធ្វើដំណើរទិសដៅពីកើតទៅលិច មកដល់កន្លែងកើតហេតុខាងលើ បានជិះចូលទៅគន្លងផ្លូវរថយន្តផ្នែកត្បូង រថយន្តម៉ាក ហាយឡែនដឺ ពណ៌ ទឹកមាស ស្លាកលេខ ភ្នំពេញ ២Y ១៦៦៩ទិសដៅពីលិចទៅកើតបញ្ច្រាសគ្នាពេញទំហឹងលាន់សូរដូចរន្ទះ ។
ក្រោយមក យុវជនរងរបួសធ្ងន់ ត្រូវ បានប្រជាពលរដ្ឋរាយការណ៍មកសមត្ថកិច្ចនគរបាលបញ្ជូនទៅមន្ទីរ ពេទ្យបង្អែស្វាយរៀង ភ្លាមៗដើម្្បីព្យាបាលមុខរបួស។
សមត្ថកិច្ចបានបញ្ជាក់ថា មូលហេតុ: ដោយសារតែអ្នកបើកបរម៉ូតូមិនប្រកាន់ស្តាំ ទើបជួបគ្រោះថ្នាក់ចរាចរណ៍នេះកើតឡើង។
រីឯមធ្យោបាយទាំង២គ្រឿង ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុកស្វាយទាប ដើម្បីដោះស្រាយពេលក្រោយ ៕ យឹម សុថាន
