សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលអន្តរាគមន៍ខណ្ឌពោធិ៍សែនជ័យល្បាតការពារក្នុងមូលដ្ឋាន ប្រទះឃើញជនសង្ស័យម្នាក់ឆែករកឃើញថ្នាំញៀនម៉ាទឹកកកចំនួន១៣កញ្ចប់ថង់តូច ។ ហេតុការណ៍នេះបានកើតនៅវេលាម៉ោង៨ និង៣០នាទីយប់ថ្ងៃទី៣១ ខែមីនា ឆ្នាំ២០១៧ ស្ថិតនៅតាមបណ្ដោយផ្លូវវេងស្រេង ទល់មុខរោងចក្រ៦ជាន់ ភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ ។
សមត្ថកិច្ចឲ្យដឹងថា ជនសង្ស័យមានឈ្មោះ បុលដេត ភេទប្រុស អាយុ១៨ឆ្នាំ ស្នាក់នៅផ្ទះជួល ភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ មានភូមកំណើតនៅស្រុកឈើកាច់ ខេត្តព្រៃវែង។
តាមប្រភពព័ត៌មានពីកម្លាំងនគរបាលអន្តរាគមន៍ម្នាក់បានឲ្យដឹងថា កម្លាំងល្បាតបានចុះដល់ចំណុចកើតហេតុ ឃើញជនសង្ស័យកំឈរនៅចិញ្ចើមផ្លូវ ក៏ឃាត់ខ្លួនឆែកឆេរ ឃើញម្សៅសថ្លាប្រភេទ ម៉ាទឹកកក១៣ថង់ប្លាស្ទិចតូចនៅនឹងខ្លួនជនសង្ស័យទើកម្លាំងនគរបាលឃាត់ខ្លួនប្រគល់ឲ្យជំនាញនគរបាលព្រហ្មទណ្ឌខណ្ឌ។
ក្រោយការសាកសួរជនសង្ស័យខាងលើបានសារភាពថា ខ្លួនត្រូវមេខ្លោងឲ្យជួយចែកចាយហើយខ្លួនបានថ្នាំញៀនមួយចំណែកគ្រាន់ជក់។ គេថាក្នុងមួយកញ្ចប់លក់ក្នុងតម្លៃ២ម៉ឺនរៀល។
ជនសង្ស័យរួមនិងវត្ថុតាងត្រូវបានកសាងសំណុំរឿងចាត់ការតាមនីតិវិធី ៕ សុខាសែនជ័យ
