សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យុវជនសង្ស័យ៣នាក់ ត្រូវបានសមត្ថកិច្ចនគរបាលស្រុកឃាត់ខ្លួនពាក់ព័ន្ធនឹងករណីប្រើប្រាស់ថ្នាំញៀន និងរឹបអូសបានឱបករណ៍សម្រាប់ជក់ផងដែរ ។
ការឃាត់ខ្លួននេះ បានធ្វើឡើងកាលពីព្រឹកថ្ងៃទី៥ ខែមេសា ឆ្នាំ២០១៧ ចំណុចភូមិតាត្រាវ ឃុំកំពង់ត្រាច ស្រុករមាសហែក ។
យោងតាមសមត្ថកិច្ចនគរបាលស្រុកបានឲ្យដឹងថា មុខសញ្ញាសង្ស័យថ្នាំ៣នាក់ មាន ១-ឈ្មោះប៉ែន ចាន់រ៉ា អាយុ ២៣ឆ្នាំនៅភូមិតាត្រាវឃុំកំពង់ត្រាច។២-ឈ្មោះជា សុហួ អាយុ២៤ ឆ្នាំ នៅភូមិឃុំជាមួយគ្នា។ ៣-ឈ្មោះប៊ុន ធី អាយុ២៥ឆ្នាំនៅភូមិឃុំជាមួយគ្នា។
ប្រភពបន្តថា ក្នុងការបង្ក្រាបនោះ សមត្ថកិច្ចនគរបាលដកហូតសម្ភារៈប្រើប្រាស់គ្រឿងញៀនរួមមាន៖ ដបទឹកសុទ្ធ ៣ បំពង់ទឹកកក ៣ ដែកកេះ ៥ និង ប៊ៀ ៥២ សន្លឹក ។
បច្ចុប្បន្នជនសង្ស័យទាំង៣នាក់ ត្រូវបានសមត្ថកិច្ចកសាងសំណុំរឿងបញ្ជូនទៅតុលាការកាត់ទោសតាមច្បាប់ ៕ យឹម សុថាន
