បង្ក្រាបគ្រឿងញៀនឃាត់​ខ្លួន​២​នាក់​ និងចាប់យកគ្រឿងញៀន​ទម្ងន់៣២,៦៥ក្រាម

ខេត្តបាត់ដំបង ៖ កម្លាំងជំនាញការិយាល័យប្រឆាំងបទល្មើសគ្រឿងញៀន បាត់ដំបង នៅវេលាម៉ោង១៦និង៤០ នាទី ថ្ងៃទី១៧ ខែមេសា ឆ្នាំ២០១៧ ចំណុចភូមិក្រុមទី៥ ភូមិមោង ឃុំមោង ស្រុកមោងឫស្សី ខេត្តបាត់ដំបងបានធ្វើប្រតិបត្តិការបង្ក្រាបគ្រឿងញៀន ឈានដល់ចាប់ខ្លួនជនសង្ស័យ២នាក់ ព្រមទាំងចាប់យកវត្ថុតាងផងដែរ ។

កម្លាំងជំនាញប្រាប់ថាជនសង្ស័យ២នាក់រួមមាន ៖ ឈ្មោះ ឈួន ជំនោ ភេទប្រុស អាយុ២០ឆ្នាំ រស់នៅភូមិពាលញ៉ែ សង្កាត់ព្រះព្រៃ ក្រុងពោធិ៍សាត់ខេត្តពោធិ៍សាត់ និងឈ្មោះ ណូត វណ្ណៈ ភេទប្រុស អាយុ២២ឆ្នាំ រស់នៅភូមិមាន់ចែ ឃុំព្រៃញី ស្រុកសំពៅមាស ខេត្តពោធិ៍សាត់ ។

វត្ថុតាងគ្រឿងញៀន ICE ៣កូនថង់ទម្ងន់៣២,៦៥ក្រាមនិងសម្ភារៈប្រើប្រាស់មួយចំនួនទៀត ៕ ថាច់ យ៉ាត