សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ៣នាក់ត្រូវបានសមត្ថកិច្ចប៉ុស្តិ៍ទំនប់ទឹកឃាត់ខ្លួនគ្រឿងញៀន២២កញ្ចប់តូច។
ហេតុការណ៍ឃាត់ខ្លួននេះ ធ្វើឡើងកាលពីវេលាម៉ោង១និង៣០រំលងអធ្រាត្រ ឈានចូលថ្ងៃទី២ ខែឧសភា ឆ្នាំ២០១៧នៅ ត្រង់ចំណុចផ្ទះ៦Bផ្លូវលេខ១៨៧ក្រុម១៨ភូមិ២សង្កាត់ទំនប់ទឹក ខណ្ឌចំការមន រាជធានីភ្នំពេញ។
ជនសង្ស័យ១មានឈ្មោះ សុខ ដានី ភេទ ប្រុស អាយុ ២២ឆ្នាំ ខ្មែរ សង្កាត់ភ្នំពេញ ខណ្ឌសែនសុខ ។ ២ មានឈ្មោះ សឿន សុខា ភេទ ប្រុស អាយុ ១៦ ឆ្នាំ ខ្មែរ ស្នាក់នៅមុខរបរមិនពិតប្រាកដ ។ ជនសង្ស័យ៣ មានឈ្មោះ លឹម សុភ័ណ្ន ភេទ ប្រុស អាយុ ៣៣ ឆ្នាំ ខ្មែរ សង្កាត់បឹងទំពុន ខណ្ឌមានជ័យ ។
បើតាមសម្ដីពីសមត្ថកិច្ចបានប្រាប់ឲ្យដឹងថា មុនពេលកើតហេតុកម្លាំងប៉ុស្តិ៍ទំនប់ទឹកកំពុងល្បាតក្នុងមូលដ្នាន ក៏មកដល់ចំណុចខាងលើ ក៏ប្រទះឃើញជន សង្ស័យ ៣នាក់កំពុងជិះមួយគ្រឿងម៉ាកនិច ពណ៍ស ពាក់ស្លាកលេខ ភ្នំពេញ 1GB.6127នៅមុខផ្ទះកើតហេតុខាងលើ ដោយមានការសង្ស័យ ក៏ត្រូវកម្លាំងសមត្ថកិច្ច ក៏បានឃាត់ខ្លួនត្រួតពិនិត្យរកឃើញគ្រឿងញៀន២២កញ្ចប់តូច ។
បច្ចុប្បន្នជនសង្ស័យទាំង៣នាក់រួមនឹងវត្ថុតាងត្រូវបានកម្លាំងនគរបាលប៉ុស្តិ៍ទំនប់ទឹកបញ្ជូនទៅ ឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌចំការមនដើម្បីចាត់ការតាមនីតិវិធី ៕ ស រស្មី
