សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យជាចោរឆក់ម្នាក់ ក្នុងចំណោមបក្ខពួក២នាក់ ត្រូវបានប្រជាពលរដ្ឋចាប់បានវាយទ្រមខ្លួន ខណៈធ្វើសកម្មភាពឆក់ទូរស័ព្ទពីជនបរទេសមិនបានសម្រេច បង្កការភ្ញាក់ផ្អើលកាលពីវេលាម៉ោង ១១និង២០នាទីយប់ ថ្ងៃទី៣ ខែឧសភា ឆ្នាំ២០១៧ នៅតាមបណ្តោយផ្លូវលេខ៥១ ផ្សាតាប៉ាង ស្ថិតក្នុងសង្កាត់ ផ្សារថ្មីទី៣ខណ្ឌដូនពេញ ។
តាមសំដីជនសង្ស័យបានអោយដឹងថា មុនពេលកើតហេតុ រូបគេនិងបក្ខពួកម្នាក់ទៀតជិះម៉ូតូមួយគ្រឿងម៉ាក ឌ្រីមសង់ ឌុបគ្នាមកពីដើរលេង ដោយជិះតាមបណ្តោយផ្លូវលេខ៥១ ក្នុងទឹសដៅពីជើងទៅត្បូង ពេលធ្វើដំណើរមកដល់ចំណុចកើតហេតុ ក៏ប្រទះឃើញជនបរទេសមួយក្រុមមានប្រុស-ស្រី កំពុងដើរចុចទូរស័ព្ទ រូបគេ ក៏ធ្វើសកម្មភាពឆក់យកទូរស័ព្ទពីជនបរទេសនោះតែម្តង ។ ភ្លាមៗនោះ ត្រូវបានជនបរទេសដឹងខ្លន ក៏ចាប់ទាញរូបគេដែលអង្គុយពីក្រោយបណ្តាលឲ្យធ្លាក់ ហើយត្រូវបងប្អូននៅម្តុំនោះព្រួតវាយរងរបួសធ្ងន់ ។
ក្រោយកើតហេតុសមត្ថកិច្ចបានឃាត់ខ្លួនជនសង្ស័យសាកសួរនាំនៅប៉ុស្តិ៍ផ្សារថ្មីទី៣ ។
ចំណែកជនរងគ្រោះវិញមិនបានមកដាក់ពាក្យបណ្តឹងទេ ព្រោះថាពួកគេអត់មានបាត់បង់របស់របរអ្វីទេ ៕ សុខាសែនជ័យ
