សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកាមេរីឆ្លាមមួយគ្រឿង បើកជែងជាមួយរថយន្ដស្រោចទឹកដាក់ថ្នាល់បណ្ដាលឲ្យក្រឡាប់ផ្ញារជើងឡើងលើ បណ្ដាលឲ្យអ្នកបើករងរបួសបែក្បាលហូរឈាម។
ហេតុការណ៍នេះកើតឡើងកាលពីវេលាម៉ោង៣និង៤០នាទីរសៀល ថ្ងៃទី៥ ខែឧសភា ឆ្នាំ២០១៧ ស្ថិតនៅតាមបណ្ដោយផ្លូវ៦០ម៉ែត្រសង្កាត់ជើងឯក ខណ្ឌដង្កោរ រាជធានីភ្នំពេញ។
សាក្សីឲ្យដឹងថា រថយន្ដកាមេរីឆ្លាម ស្លាកលេខ ភ្នំពេញ 2J-3262 បើកដោយបុរសម្នាក់ ពីទិសខាងលិចទៅកើត បានជែងរថយន្ដស្រោចទឹកដាក់ថ្នល់ ស្រាប់តែបែកកង់ រេចង្កូតក្រឡាប់ផ្ងារជើងឡើងលើ។
អ្នកបើករថយន្ដរងរបួសសន្លប់ស្ដួកស្ដឹងនៅនិងកន្លែង ហើយត្រូវបានប្រជាពលរដ្ឋដឹកតាមម៉ូតូទៅសង្គ្រោះភ្លាមៗ ដោយមិនបានស្គាល់អត្តសញ្ញាណនោះទេ។
ក្រោយពេលកើតហេតុសមត្ថកិច្ចមូលដ្ឋានចុះមកដល់កន្លែងកើតហេតុ ។ ដោយមិនបានប៉ះពាល់ប្រជាពលរដ្ឋ ឬសម្បត្តិសាធារណៈ សមត្ថកិច្ចមិនអូសរថយន្តទៅរក្សាទុកឡើយ គឺអនុញ្ញាតឲ្យសាច់ញាតិជនរងគ្រោះដឹកយកទៅជួសជុលខ្លួនឯង ៕ ភារ៉ា ដង្កោ
