សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យ៉ាងហោចណាស់ បុរស៤នាក់រងបួសធ្ងន់ ដោយសារករណីគ្រោះថ្នាក់រវាងម៉ូតូ៣គ្រឿងបុកគ្នាពេញទំហឹង ខណៈបើកបរក្នុងល្បឿនលឿនខ្វះការប្រុងប្រយ័ត្ន។
ហេតុការណ៍នេះបានកើតឡើងកាលពីវេលាម៉ោង៥និង៤០នាទីល្ងាច ថ្ងៃទី៧ ខែឧសភា ឆ្នាំ២០១៧ នៅចំនុណុចភូមិដំណាក់កន្ទូត ឃុំស្វាយយា ស្រុកស្វាយជ្រំ ។
តាមសមត្ថកិច្ចនគរបាលស្រុកស្វាយជ្រំបានអោយដឹងថា ម៉ូតូភាគីរងគ្រោះមានឈ្មោះសុន ហួច អាយុ២២ឆ្នាំ មុខរបរកសិករ មានទីលំនៅភូមិដំណាក់កន្ទួត ឃុំស្វាយយា ស្រុកស្វាយជ្រំ ដោយជិះម៉ូតូម៉ាក zoomer x ពណ៌សលាយខ្មៅ គ្មានស្លាកលេខ ខូចខាតយ៉ាងដំណំ ។
ចំពោះអ្នកបើកម៉ូតូ បង្កហេតុ ទី១ម៉ាក C125 ស៊េរី2014 ពណ៌ខ្មៅ ពាក់ស្លាកលេខ ភ្នំពេញ 1CE2074 បើកបរដោយឈ្មោះ ឆេន ម៉ៅ ភេទប្រុស អាយុ45ឆ្នាំ នៅភូមិអង្កាញ់ ឃុំប្រធាតុ ស្រុកកំពង់ត្របែក ខេត្តព្រៃវែង ដោយធ្វើដំណើរពីទិសខាងជើង ទៅត្បូងក្នុងល្បឿនលឿនខ្វះការប្រុងប្រយ័ត្ន។
រីឯភាគីម៉ូតូបង្កហេតុទី២មានឈ្មោះចយ ម៉ាប់ អាយុ២០ឆ្នាំ មុខរបរកសិក រមានទីលំនៅភូមិដំណាក់កន្ទួត ឃុំស្វាយយា ស្រុកស្វាយជ្រំ ដោយដឹកអ្នករួមដំណើរម្នាក់ឈ្មោះ យី ថន អាយុ២០ឆ្នាំ មុខរបរកសិករមានទីលំនៅភូមិ ឃុំអង្គរស ស្រុកមេសាង ខេត្តព្រៃវែង ខណៈជិះម៉ូតូម៉ាកហុងដាសេ១២៥ ពណ៍ខ្មៅ ពាក់ស្លាកលេខ ស្វាយរៀង ១A១២១១ ដោយធ្វើដំណើរពីត្បូងមកជើង ។
សក្សីឲ្យដឹងថា ម៉ូតូហុងដាសេ១២៥ សេរី២០១៤ ជិះម្នាក់ឯង ដោយធ្វើដំណើរក្នុងល្បឿនលឿនពីជើងមកត្បូង ស្រាប់តែមានម៉ូតម្ខាងទៀតជិះគ្នា២នាក់ ដែលបើកច្រាស់ទិសគ្នាក្នុងល្បឿនលឿនដូចគ្នា បុកពេញទំហឹង ហើយបានបន្តទៅបុកនឹងម៉ូតូម៉ាក zoomer x ជិះតែម្នាក់ឯងដែលមិនដឹងខ្លួនបណ្ដាលឲ្យដួលខ្ទាតលើផ្លូវទាំង៤នាក់តែម្ដង ។
ប្រជាពលរដ្ឋបានរាយការណ៍មកសមត្ថកិច្ចនគរបាលដឹកភាគីទាំងសងខាងមកកាន់មន្ទីរពេទ្យបង្អែកខេត្តស្វាយរៀង និងពេទ្យមណ្ឌលសុខភាពអង្គរស ខេត្តព្រៃវែង ព្រមទាំងវាស់វែង និងអូសម៉ូតូមកកាន់ប៉ុស្តិ៍រដ្ឋបាលស្វាយយាផងដែរ ។
សមត្ថកិច្ចបញ្ជាក់ថា ម៉ូតូហុងដាទាំង២គ្រឿងបើកបរក្នុងល្បឿនលឿនខ្វះការប្រុងប្រយត្ន័ ទើបបង្កឲ្យមានគ្រោះថ្នាក់ចរាចរណ៍កើតឡើងបែបនេះ ៕ យឹម សុថាន
