សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំៈ ជនសង្យ័យពីរនាក់ត្រូវបាននគរបាលឃាត់ខ្លូនពីបទលួចម៉ូតូរបស់អ្នកស្រុកមិនបានសម្រេច ។ ហេតុការណ៍នេះកើតឡើងនៅវេលាម៉ោង១និង៣០នាទីរសៀល ថ្ងៃទី១០ ខែឧសភា ឆ្នាំ២០១៧ ស្ថិតនៅភូមិទី៦ ឃុំស្វាយឃ្លាំង ស្រុកក្រូចឆ្មារ ខេត្តត្បូងឃ្មុំ ។
បើតាមសមត្ថកិច្ច បានឲ្យដឹងថា ជនរងគ្រោះ ឈ្មោះ ស៊ុយ ណារ៉ុម ភេទប្រុស អាយុ៥០ឆ្នាំ ត្រូវបានជនសង្ស័យ២នាក់ ធ្វើសកម្មភាពចូលលួចម៉ូតូ១គ្រឿង ម៉ាកហុងដាឌ្រីម សេ១២៥ ស៊េរីឆ្នាំ២០១២ ពាក់ស្លាកលេខ ភ្នំពេញ 1BQ-4635 ខណៈពេលកំពុងធ្វើសកម្មភាព ត្រូវបានម្ចាស់ម៉ូតូឃើញទាន់ ក៏ស្រែកឆោឡោឡើង និងដេញចាប់ខ្លួនជនសង្ស័យបានពីរនាក់ ជនសង្ស័យទាំងពីរមានៈ ១-ឈ្មោះ ឈឿន សាវឿន ភេទប្រុស អាយុ២៣ឆ្នាំ ជាតិខ្មែរ ២-ឈ្មោះ រិន ធារ៉ា ភេទប្រុស អាយុ២៣ឆ្នាំ ជាតិខ្មែរ អ្នកទាំងពីរ រស់នៅភូមិ ឃុំ កើតហេតុខាងលើ ។
បច្ចុប្បន្ន ជនស្ស័យទាំងពីរ ត្រូវកម្លាំងសមត្ថកិច្ច ចាប់បញ្ជូនមកកាន់អធិការដ្ឋាននគរបាលស្រុកក្រូចឆ្មារ ដើម្បីកសាងសំណុំរឿង ចាត់ការតាមនីតិវិធី៕ វណ្ណះ
