សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យ៉ាងហោចណាស់មនុស្ស៣នាក់ត្រូវ បានឃាត់ខ្លួនកាលពីវេលាម៉ោង៥និង០០នាទី ថ្ងៃទី២៥ ខែឧសភា ឆ្នាំ២០១៧ នៅចំណុចលើវាលខ្សាច់ ផ្លូវ៦០ម៉ែត្រ ភូមិព្រែកតាគង់ សង្កាត់ចាក់អង្រែលើ ខណ្ឌ មានជ័យ ពាក់ព័ន្ធករណីជួញដូរគ្រឿងញៀន។
លោកហ៊ុត វណ្ណា នាយប៉ុសិ៍្តចាក់អង្រែលើបាន ប្រាប់ថា ជនសង្ស័យ៣នាក់នោះមានឈ្មោះ សល់ ង៉ោ ភេទប្រុស អាយុ១៩ឆ្នាំ ទី២/ឈ្មោះ យ៉េង យ៉ុន ភេទប្រុស អាយុ៣៤ឆ្នាំ និងទី៣/ ឈ្មោះ កុសល ពិសី ភេទប្រុស អាយុ១៨ឆ្នាំ។ ជនសង្ស័យ៣នាក់ខាងលើមានទីលំនៅភូមិ ព្រែកតាគង់ សង្កាត់ចាក់អង្រែលើ ខណ្ឌមាន ជ័យ។ ក្នុងនោះសមត្ថកិច្ចយើងដកហូតបានថ្នាំញៀន ចំនួន២១កញ្ចប់ថង់តូច។
លោកនាយប៉ុសិ៍្តបន្តថា ក្រោយពីសាកសួរជន សង្ស័យ៣នាក់ខាងលើ សមត្ថកិច្ចប៉ុសិ៍្តរដ្ឋបា លយើងបានបញ្ជូនជនសង្ស័យទៅកាន់អធិការដ្ឋាននគរបាលខណ្ឌមានជ័យ ដើម្បីចាត់ការ បន្តទៅតាមនីតិវិធីច្បាប់៕ តាឡឹម
