កាប់គេ១ពូថៅពីក្រោយរងរបួសជាទម្ងន់

ខេត្តកំពង់ស្ពឺ៖ កម្លាំងសមត្ថកិច្ចបានឃាត់ខ្លួនបុរសម្នាក់បន្ទាប់ពីបង្កហិង្សាយកពូថៅកាប់បុរសម្នាក់ទៀតពីក្រោយបណ្តាលឲ្យរងរបួសជាទម្ងន់ ។

ប្រភពឲ្យដឹងថា កាលពីវេលាម៉ោង៨ព្រឹក ថ្ងៃទី២៦ ខែឧសភា ឆ្នាំ២០១៧ កម្លាំងជំនាញ និងប៉ុស្តិ៍សំបូរ បានឃាត់ឈ្មោះចន ភាព ភេទប្រុស អាយុ២៨ឆ្នាំ នៅភូមិត្រពាំងវែងទី១ ឃុំសំបូរ ស្រុកសំរោងទង ដើម្បីកសាងសំណុំរឿងបញ្ជូនទៅតុលាការ ។

ជនសង្ស័យជាប់ពាក់ព័ន្ធយកពូថៅកាប់ទៅលើឈ្មោះ អ៊ុយ មុត ភេទប្រុស អាយុ៦០ឆ្នាំ រស់នៅភូមិត្រពាំងវែងទី១ ឃុំសំបូរ ស្រុកសំរោងទង ចំក្បាល១ពូថៅផ្នែកខាងក្រោយ បណ្តាយឲ្យរបួសជាទម្ងន់ ។

ជនដៃដល់និយាយថា មូលហេតុដោយសាររូបគេខឹងជនរងគ្រោះ តែមិនប្រាប់ថា ខឹងដោយសារមូលហេតុអ្វីឡើយ ។ ជនសង្ស័យត្រូវកសាងសំណុំរឿងបន្តតាមនីតិវិធី ៕