សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ ៖ អគ្គិភ័យបានឆាបឆេះ ផ្ទះប្រជាពលរដ្ឋ១ខ្នង ទាំងព្រឹកនាំឲ្យមានការភ្ញាក់ផ្អើលកាលពីវេលាម៉ោង ៨និង៣០ នាទី ថ្ងៃទី៥ ខែមិថុនា ឆ្នាំ២០១៧ នៅចំណុច ភូមិស្អាត ឃុំស្រែចារ ស្រុកស្នួល ខេត្ត ក្រចេះ ហើយសមត្ថកិច្ចបានជួយធ្វើអន្តរា គមន៍ដែរ តែជួយមិនទាន់ ។
លោក ចាន់ សុខគីម អធិការស្រុកស្នួល បានឲ្យដឹងថា អគ្គិភ័យឆាបឆេះផ្ទះប្រជា ពលរដ្ឋនេះបណ្ដាលមកពីផ្ទុះអាគុយផ្ទាំង សូឡា បណ្ដាលឲ្យឆាបឆេះផ្ទះតែម្ដង ។ ម្ចាស់ផ្ទះ ឈ្មោះ ជុត ហេន ភេទប្រុស អាយុ ៥៩ឆ្នាំ ប្រពន្ធឈ្មោះ ម៉ៅ ហៀត អាយុ ៥៩ឆ្នាំ រស់នៅកន្លែងកើតហេតុ ហើយក្នុង ហេតុការណ៍ឆេះផ្ទះនោះ កម្លាំងសមត្ថកិច្ចបានចុះជួយធ្វើអន្តរាគមន៍បាញ់ទឹកពន្លត់ ដោយប្រើទឹកអស់ចំនួន១រថយន្ដតែជួយសង្គ្រោះមិនបាន ។
លោកអធិការបានបន្តថា ផ្ទះនោះធ្វើ អំពីថ្មក្រោម ឈើខាងលើទំហំ៧ម៉ែត្រគុណ នឹង៩ម៉ែត្រឆេះអស់ទាំងស្រុង ដោយខូច ខាតសម្ភាររួមមាន លុយអស់ចំនួន៣២លាន រៀល រថយន្ដម៉ាកកាមរីបាឡែន ពណ៌ទឹក ប្រាក់ចំនួន១គ្រឿង និងសម្លៀកបំពាក់ឆេះ អស់ទាំងស្រុង តែមិនមានអ្នករងរបួស ដោយ សារអគ្គិភ័យនេះ ៕ ហេង នរិន្រ្ទ
