ឈ្មួញឈើបានចិត្តដឹកឈើប្រណីតមិនខ្លាចមេព្រៃដឹកយប់ដឹកថ្ងៃមកជាប់អន្ទាក់កងរាជអាវុធហត្ថ

ខេត្តកំពង់ធំ៖ នៅម៉ោង០១និង ៣០នាទីថ្ងៃត្រង់ ថ្ងៃទី១០ មិថុនា ឆ្នាំ២០១៧ កំលាំងកងរាជអាវុធហត្ថ ស្រុកស្រុកបារាយណ៍ ចំនួន៣នាក់ រថយន្ត០១គ្រឿងដឹកនាំដោយលោក អនុសេនីយ៍ ឯក សេង សំ មេបញ្ជាការ រង នៃ កងរាជអាវុធហត្ថ ស្រុកស្រុកបារាយណ៍ សហការជាមួយផ្នែករដ្ធបាលព្រៃឈើកំពង់ថ្ម ឃាត់រថយន្តម៉ាក សាុំយ៉ុង ពណ៌ស ស្លាកលេក ភ្នំពេញ២C(3404)ដឹកឈើ បេង គ្មានច្បាប់ នៅចំណុច ភូមិទួលដំណាក់ ឃុំ ចុងដូង ស្រុកបារាយណ៍ ខេត្តកំពង់ធំ។

ប្រភពពត័មានពីសមត្ថកិច្ចបាបបញ្ជាក់ថា ក្រោយពីឃាត់រថយន្ដ និងឃាត់បានមនុស្ស០២នាក់ ទី១ ឈ្មោះហេង វណ្ណា ភេទ ប្រុស អាយុ ៣៥ឆ្នាំ រស់នៅភូមិ ខ្យង ឃុំ ខ្យង ស្រុកជ័យសែន ខេត្តព្រះវិហារ (តៃកុង) ទី២ ឈ្មោះខុន ខៃ ភេទ ប្រុស អាយុ ៣៩ឆ្នាំ រស់នៅភូមិ កសិករ ឃុំ ច្រាច់ ស្រុក ជយ័ សែនខេត្ត ព្រៈវិហារ (ព្រូឡាន) ដឹកពីចំណុច ស្រុក ជយ័សែន ខេត្តព្រះវិហារទៅ ភ្នំពេញ ។

ក្រោយមកបញ្ជូន រថយន្តនិងមនុស្សទៅផ្នែករដ្ធបាលព្រៃឈើកំពង់ថ្ម ដើម្បីឲ្យមន្រ្ដីជំនាញធ្វើការរាប់និង វាស់វែងមានឈើចំនួន(48ដុំ+សន្លឹក)=0,765ម៉ែតគីប ចំណែកមនុស្ស កសាងសំនុំរឿងចាត់ការតាមច្បាប់៕ ប៊ុន រិទ្ធី