សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ កាលពីវេលាម៉ោង២០និង២២នាទី ថ្ងៃទី១៤ ខែ មិថុនា ឆ្នាំ២០១៧ សមត្ថកិច្ចនគរបាលស្រុកកំពង់សីលាបានឃាត់ម៉តូមួយគ្រឿងម៉ាក soomer x ពាក់ស្លាកលេខព្រះសីហនុ 1G 1650 ដែលជាមុខសញ្ញាសង្ស័យ នៅចំណចគល់ស្ពាន ស្ថិតក្នុងឃុំស្ទឹងឆាយជិះគ្នា ២នាក់ ក្រោយសាកសួរ និងស្ទាបឆែកឆេរ បានរកឃើញថ្នាំញៀនមេតំហ្វេតាមីន (ice) ចំនួន១កញ្ចប់តូច ដែលជនសង្ស័យលាក់ក្នុងជាយអាវ ។
ជនសង្ស័យត្រូវឃាត់ខ្លួន ឈ្មោះ ពេជ ឈិនអ៊ី ភេទប្រុស អាយុ២៣ឆ្នាំ មុខរបរសន្តិសុខនៅស្ថាបនាលីមីធីត ស្រុកព្រៃនប់ ទីលំនៅបច្ចុប្បន្នភូមិបឹងវែង ឃុំវាលរិញ ស្រុកព្រៃនប់ខេត្តព្រះសហនុ និងឈ្មោះ គុយ ទីឆាយ ភេទប្រុស អាយុ២២ឆ្នាំ មុខរបរកម្មករ ទីលំនៅភូមិឃុំខាងលើ ។
សមត្ថកិច្ចបញ្ជាក់ថា លុះដល់ថ្ងៃទី១៥ ខែមិថុនា ឆ្នាំ២០១៧ វេលាម៉ោង ១២ និង៣៥នាទី កម្លាំងជំនាញបានសហការជាមួយកម្លាំងប៉ុស្តិ៍នគរបាលរដ្ឋបាលអូរបាក់រទេះឃាត់ខ្លួនឈ្មោះ ជា វីរះ ហៅតឹង ភេទប្រុស អាយុ២៨ឆ្នាំ មុខរបរកម្មករ មានទីលំនៅបច្ចុប្បន្នភូមិព្រៃប្រសិទ្ធ ឃុំអូរបាក់រទេះ ស្រុកកំពង់សីលា ខេត្តព្រះសីហនុ នៅចំណុចជិតជញ្ជីងថ្លឹងឡានស្ទឹងច្រាល ក្រោយសាកសួរ និងឆែកឆេររកឃើញ មេតំហ្វេតាមីន ice ចំនួន៤កញ្ចប់តូច។
បច្ចុប្បន្នជនសង្ស័យទាំង៣នាក់ត្រូវបានកម្លាំងជំនាញនៃអធិការដ្ឋាននគរបាលស្រុក កសាងសំណុំរឿងបញ្ជូនទៅស្នងការដ្ឋាននគរបាលខេត្តព្រះសីហនុ ៕ ឆ្លាម សមុទ្រ
