សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោង១១និង២០នាទី ថ្ងៃទី១៦ ខែមិថុនា ឆ្នាំ២០១៧ កំលាំងមន្ទីរយុត្តិធម៌ សហការជាមួយកំលាំងស្នាក់ការកងរាជអាវុធហត្ថទំនប់រលក ចំនួន០៨នាក់ដឹកនាំដោយលោក វរសេនីយ៍ត្រី ឡុង គឹមហួរ នាយការិយាល័យបទល្មើសគ្រឿងញៀន ចុះបង្រ្កាបករណីជួញដូរ និងប្រើប្រាស់គ្រឿងញៀន ក្រុម០៨ ភូមិ០៣ សង្កាត់០៣ ក្រុងព្រះសីហនុ ខេត្តព្រះសីហនុ ។
សមត្ថកិច្ចបញ្ជាក់ថា ជនសង្ស័យឃាត់ខ្លួនបាន ១-ឈ្មោះ សី ប៊ុនណាល់ ភេទប្រុស អាយុ១៨ឆ្នាំ មុខរបរកម្មករសំណង់ មានស្រុកកំណើត ស្រុកកំណើត និង បច្ចុប្បន្នរស់នៅភូមិ០១ សង្កាត់០១ ក្រុងព្រះសីហនុ ខេត្តព្រះសីហនុ ២-ឈ្មោះ ចាន់ សុខណៃ ភេទស្រី អាយុ១៨ឆ្នាំ មុខរបរ ស្រីបំរើខារ៉ាអូខេសំណាងមានលាភ មានស្រុកកំណើត និង បច្ចុប្បន្នរស់នៅភូមិ០៣ សង្កាត់០៣ ក្រុងព្រះសីហនុ ខេត្តព្រះសីហនុ ។
ជាមួយគ្នានេះ សមត្ថកិច្ចដកហូតវត្ថុតាងរួមមានៈ ម្សៅសរថ្លាចំនួន០៩កញ្ចប់ តូច, ទូរស័ព្ទ០១គ្រឿង, លុយ៤០,០០០រៀល និងដបជក់ចំនួន០១
បច្ចុប្បន្នវត្ថុតាង និងជនសង្ស័យកំពុងបន្តនីតិវិធីនៅទីបញ្ជាការកងរាជអាវុធហត្ថខេត្តព្រះសីហនុ ៕ ឆ្លាម សមុទ្រ
