សារព័ត៌មាន នគរវត្ត តែងតែនាំមុខគេជានិច្ច
ឧត្តរមានជ័យ៖ បុរស២នាក់របួសធ្ងន់និង១៧នាក់ទៀតរត់រួចខ្លួននៅពេលដែលលួចឆ្លងដែនទៅកាប់ឈើ គ្រញូងនៅក្នុងទឹកដីថៃត្រូវបានទាហានថៃបាញ់ កាលពីថ្ងៃទី២០ ខែមិថុនា ឆ្នាំ២០១៧ វេលាម៉ោង១៥និង៣០នាទី នៅចំណុចទល់មុខ បង្គោលសីមាលេខ៧ភូមិសាមគ្គី ឃុំត្រពាំងប្រិយ៍ ស្រុកអន្លង់វែងខេត្តឧត្តរមានជ័យ។
សមត្ថកិច្ចបានឲ្យដឹងថា ជនរងគ្រោះទី១-ឈ្មោះ អឿន កំសាន ប្រុស អាយុ២៧ឆ្នាំ មុខរបរជាទាហាន សឹករងអន្លង់វែង អង្គភាពខ១ គ៧ របួសដៃស្តាំ រត់រួចក្នុងថ្ងៃកើតហេតុ បច្ចុប្បន្ន សម្រាកព្យាបាលក្នុងបន្ទាយ គ៧។ ទី២-ឈ្មោះ ហន់ ដានិត ភេទប្រុស អាយុ ១៧ ឆ្នាំ ត្រូវរបួសជើងខាងស្តាំពីរកន្លែង(បាញ់ ត្រូវលើក្បាលជង្គង់មួយគ្រាប់ និងក្រោមក្បាលជង្គង់មួយគ្រាប់) មុខរបរជាប្រជាពលរដ្ឋ រស់ ភូមិសាមគ្គី ឃុំ ត្រពាំងប្រិយ៍ ស្រុកអន្លង់វែង(បាត់ខ្លួននៅកន្លែងកើតហេតុ) លុះដល់ ថ្ងៃទី២៣ ខែមិថុនា ឆ្នាំ២០១៧ មានប្រជាពលរដ្ឋថៃ មករកផ្សិតបានប្រទះឃើញ ជនរងគ្រោះ នៅក្នុងព្រៃ ហើយបានមកប្រាប់ប្រជាពលរដ្ឋហើយបាននាំគ្នា សែងចុះពីលើភ្នំ មកដល់ភូមិសាមគ្គី នៅវេលាម៉ោង១៦និង៣០នាទី ថ្ងៃដដែល ។
បច្ចុប្បន្នជនរងគ្រោះបញ្ជូនទៅសម្រាកព្យាបាលគ្លីនិកឯកជន៕ ប៉ែន នួន
