សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យចែកចាយគ្រឿងញៀនម្នាក់ រួមថ្នាំ៦កញ្ចប់ ត្រូវបានកម្លាំងសមត្ថកិច្ចខណ្ឌពោធិ៍សែនជ័យឃាត់ខ្លួន កាលវេលាម៉ោង ១០យប់ ថ្ងៃទី២៣ ខែមិថុនា ឆ្នាំ២០១៧ នៅចំណុចផ្ទះជួល ភូមិត្រពាំងថ្លឹងសង្កាត់ចោមចៅខណ្ឌពោធិ៍សែនជ័យ។
ជនសង្ស័យឈ្មោះ លី ឡាទី អាយុ២១ឆ្នាំ មុខរបរមិនពិតប្រាកដ ស្នាក់នៅបន្ទប់ជួលលេខ ១៣«ខ» ខាងកើតក្លឹប មីតណាយ ភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ មានស្រុកកំណើត នៅស្រុកសណ្តាន់ ខេត្តកំពង់ធំ។
តាមប្រភពព័ត៌មានពីកម្លាំងអន្តរាគមន៍ខណ្ឌពោធិ៍សែនជ័យ បានឲ្យដឹងថា នៅមុនពេលកើតហេតុ ប្រជាពលរដ្ឋបានរាយការណ៍ដល់កម្លាំងសមត្ថកិច្ចខណ្ឌពោធិ៍សែនជ័យ ដោយឃើញជនសង្ស័យខាងលើជាមុខសញ្ញាចែកចាយគ្រឿងញៀននៅម្តុំផ្លូវវេងស្រេង ជាពិសេសនៅម្តុំមុខក្លិប មិតណាយ ហើយបន្ទាប់មកកំលាំងអន្តរាគមន៍ខណ្ឌពោធិ៍សែនជ័យនិងសហការជាមួយកម្លាំងប៉ុសិ៍នគរបាលចោមចៅ បានចូលទៅឆែកឆេក្នុងបន្ទប់ជួលជនសង្ស័យខាលើ។
ប្រភពបានបន្តទៀតថា នៅពេលនោះជនសង្ស័យកំពុងនៅក្នុងបន្ទប់ហើយបានចូលឆែកជនសង្ស័យដោយរកឃើញថ្នាំញៀន ចំនួន ៦កញ្ចប់តូច ហើយបន្ទាប់មកជនសង្ស័យខាងលើត្រូវបានកម្លាំងសមត្ថកិច្ច នាំយកទៅសាកសួរនៅព្រហ្មទណ្ឌខណ្ឌពោធិ៍សែនជន។
បច្ចុប្បន្ន ជនសង្ស័យខាងលើរួមវត្ថតាង មានម្សៅសថ្លា៦កញ្ចប់ត្រូវបានជំនាញព្រហ្មទណ្ឌខណ្ឌពោធិ៍សែនជ័យបានកសាងសំណុំរៀងបញ្ជូនទៅតុលាការ៕ សុខាសែនជ័យ
