សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀងៈ ស្ត្រីចំណាស់ស្រវឹងខួបម្នាក់ ត្រូវបានអ្នកភូមិ ក៏ដូចជាអ្នកធ្វើដំណើរប្រទះឃើញដេកស្លាប់ក្នុងទឹកវាលស្រែបង្កឲ្យមានការភ្ញាក់ផ្អើលរាយការណ៍មកអាជ្ញាធរមូលដ្ឋាន និងសមត្ថកិច្ចភ្លាមៗសង្ស័យខ្យល់គរ។
ហេតុការណ៏នេះ បានកើតឡើងកាលវេលាម៉ោង៥រសៀល ថ្ងៃទី២៧ ខែមិថុនា ២០១៧ ស្ថិតនៅកណ្ដាលវាលស្រែ ក្នុងភូមិត្រពាំងប្រីយ៍ ឃុំអំពឹល ស្រុករមាសហែក ខេត្តស្វាយរៀង។
សមត្ថកិច្ចនគរបាលស្រុកបានឲ្យដឹងថា ស្ត្រីដែលស្លាប់មានឈ្មោះម៉ៅ សាម៉ន អាយុ៤៦ឆ្នាំ មុខរបរមិនពិតប្រាកដមានទីលំនៅភូមិត្រពាំងប្រីយ៍ ឃុំអំពឹល ស្រុករមាសហែក។
ប្រភពដដែលបន្តទៀតថា ក្រោយពីបានទទួលព័ត៌មាន កម្លាំងនគរបាលជំនាញបច្ចេកទេស និងគ្រូពេទ្យបានចុះទៅដល់កន្លែងកើតហេតុ និងពិនិត្យសាកសពរួច នគរបាលបច្ចេកទេស និងលោកគ្រូពេទ្យបានបញ្ជាក់ថា ជនរងគ្រោះស្លាប់ដោយខ្យល់គរពិតប្រាកដមែន ខណៈមិនមានស្លាកស្នាមអ្វីកត់សម្គាល់ជារឿងឃាដកម្មនោះទេ។
តាមអ្នកភូមិបានឲ្យដឹងថា ស្ត្រីខាងលើគឺជាមនុស្សស្រវឹងខួប ផឹកមិនដែលលោះថ្ងៃឡើយ ដោយនៅមុនពេលកើតហេតុ គេឃើញស្ត្រីខាងលើបានដើរទៅវាលស្រែតែម្នាក់ឯងក្នុងអការស្រវឹងស្រាយ៉ាងខ្លាំង សង្ស័យទៅបត់ជើងធំ ក៏ខ្យល់គរស្លាប់តែម្ដង។
សពត្រូវបានសមត្ថកិច្ចនគរបាលប្រគល់ទៅឲ្យក្រុមគ្រួសាយកធ្វើបុណ្យតាមប្រពៃណី ៕ យឹម សុថាន
