សារព័ត៌មាន នគរវត្ត តែងតែនាំមុខគេជានិច្ច
ភ្នំពញ៖ ក្មេងសិស្សសាលាមួយក្រុម ខណៈកំពុងលេងបាល់ ហើយទាស់សម្តីគ្នាមួយប្រ៉ាវ រួចទៅផ្ទះអស់រៀងខ្លួនកាលពីរសៀលថ្ងៃទី២៨ ខែមិថុនា ឆ្នាំ២០១៧ នៅភូមិព្រៃពីងខាងត្បូង សង្កាត់ចោមចៅ ខណ្ឌពោធិ៍សែនជ័យ លុះវេលាម៉ោង១១ព្រឹក ថ្ងៃទី២៩ ខែមិថុនា ឆ្នាំ២០១៧ ស្រាប់តែភាគីម្ខាងហៅបក្ខពួកឲ្យទៅស្ទាក់វាយបណ្តាលឲ្យរបួសដេ៧ថ្នេរ ទើបរត់មកប្តឹងសមត្ថកិច្ចប៉ុស្តិ៍ចោមចៅជួយអន្តរាគមន៍។
ជនរងគ្រោះឈ្មោះម៉េង ធា ភេទប្រុស អាយុ១៤ ឆ្នាំ មុខរបរជាងកញ្ចក់ ស្នាក់នៅភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ។ រងរបួសបែកក្បាលដេរចំនួន៧ថ្នេរ។ ចំណែកគូទំនាស់ឈ្មោះ សំសំណាង ភេទប្រុសអាយុ១៣ ឆ្នាំ មុខរបជាសិស្សថ្នាក់ទី៨ នៃវិទ្យាល័យជម្ពូវ័ន ។
តាមសម្តីឈ្មោះម៉េង ធា បានឲ្យដឹងថា នៅមុនពេលកើតហេតុនៅថ្ងៃទី២៨ រួបគេបានទៅលេងបាល់នៅជិះផ្ទះ ខណៈកំពុងលេង ស្រាប់តែមានយុវជនម្នាក់មកប្រាប់ថា ឈ្មោះសំ សំណាង បានបបួលឯងវៃគ្នា តើឯងហ៊ានអត់? ពេលនោះរូបគេ ក៏ឆ្លើយថា ហ៊ាន។
ជនរងគ្រោះបានបន្តថា បន្ទាប់មកស្រាប់យុវជននោះបានទៅសួរឈ្មោះ សំ សំណាង ម្តងថា ឈ្មោះម៉េងធាបបួលឯងវៃគ្នាតើឯងហ៊ានអត់? ពេលនោះឈ្មោះ សំ សំណាង ក៏ឆ្លើយថាហ៊ាន។ ក្រោយមក ពួកគេទាំងពីរនាក់ ក៏បានឌឺដងដាក់គ្នា និងជេរគ្នាមួយប្រ៉ាវ តែមិនបានវៃគ្នាទេ។ លុះវេលាម៉ោង១១ ថ្ងៃទី២៩ ខែមិថុនា ឆ្នាំ២០១៧ ខណៈឈ្មោះម៉េង ធា បានជិះម៉ូតូម្នាក់ឯង មកពីធ្វើការវិញ បំណងទៅផ្ទះ ស្រាប់តែយុវជនមួយក្រុម ដែលមិនធ្លាប់មានរឿងនឹងគ្នាសោះ មកស្ទាក់វាយបណ្តាលឲ្យរបួសដេរ៧ថ្នេរ ហើយក្រុមបង្កបានជិះម៉ូតូគេចខ្លួនបាត់។
ក្រោយមក ជនរងគ្រោះត្រូវបានម្តាយដឹកយកទៅមន្ទីរពេទ្យ រួចហៅឈ្មោះ សំ សំណាង មកប៉ុស្តិ៍នគរបាលដើម្បីសាកសួរ និងដាក់ពាក្យបណ្តឹងក្រុមជនបង្ក។ នៅចំពោះមុខសមត្ថកិច្ចឈ្មោះសំសំណាងបានសារភាពថា ខ្លួនមានទំនាស់គ្នាជាមួយជនរងគ្រោះមែន តែរូបគេមិនបានវៃជនរងគ្រោះទេ៕ សុខាសែនជ័យ
