សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសដែលជាជាង សំណង់ម្នាក់ ភ្លាត់ស្នៀតធ្លាក់ពីលើអគារសំណង់កពុងសាងសង់ជាន់ទី២ នៅក្នុងបុរីចំការដូងបណ្ដាលឲ្យបែកក្បាល និងជាប់វីស នៅនិងក្បាល រងរបួសធ្ងន់ ៖ ហេតុការនេះបានកើតឡើងកាលពីវេលាម៉ោង ២និង ៣០នាទីរសៀលថ្ងៃទី០២ ខែកក្ដដា ឆ្នាំ២០១៧ នៅអាគាផ្ទះល្វែងកំពុងសាងសង់មួយកន្លែង ស្ថិតក្នុងបុរីចំការដូង ភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ ។
ជនរងគ្រោះមានឈ្មោះ ទឹម ធន ភេទប្រុស អាយុ ៣០ឆ្នាំ មុខរបរជាងសំណង់ ស្នាក់នៅក្នុងការដ្ឋានសំណង់ កន្លែងកើតហេតុ មានស្រុក កំណើតភូមិធ្មារ ឃុំរាម ស្រុក រមាសហែកខេត្តស្វាយរៀង ។
ប្រភពព័ត៌មានពីអ្នកធ្វើការជាមួយគ្នាបានឲ្យដឹងថា មុនពេលកើតហេតុ ជនរងគ្រោះធ្វើការនៅជាន់ទី ២ ខណៈរូបគាត់ដើរថយក្រោយ ទាញខ្សែ ប្រយ៉ោលហើយមិនបានមើល ក៏ រអិលជើងធ្លាក់មកក្រោម បណ្ដាលឲ្យបែកក្បាលនិងដែក វីស ជួងជាប់ក្បាលថែមទៀត រងរបួសធ្ងន់ធ្ងរ។ ភ្លាមៗ រថយន្ត សង្គ្រោះបន្ទាន់មន្ទីរពេទ្យបង្អែកដង្កោ បានទៅដឹកយកមកសង្គ្រោះបន្ទាន់ ផងដែរ។
ក្រោយមកដោយសារតែស្ថានភាពរបួស ជនរងគ្រោះ ធ្ងន់ពេក ទើបក្រុមគ្រូពេទ្យបង្អែកបានបញ្ជួនទៅសង្គ្រោះបន្តនៅមន្ទីរពេទ្យលោកសង្ឃ ៕ ភារ៉ា ដង្កោ
