ស្ត្រីចែកចាយនិងប្រើប្រាស់គ្រឿងញៀនម្នាក់ត្រូវសមត្ថកិច្ចឃាត់ខ្លួន

ខេត្តឧត្តរមានជ័យៈ ស្រ្ដីដែលជាជនសង្ស័យចែកចាយ និងប្រើប្រាស់គ្រឿងញៀនម្នាក់ ត្រូវបានសមត្ថកិច្ចការិយាល័យកម្ចាត់គ្រឿងញៀន នៃស្នងការដ្ឋាននគរបាលខេត្តឧត្តរមានជ័យបានបង្ក្រាបឃាត់ខ្លួន រួមទាំងវត្ថុតាងមួយចំនួនកាលពីថ្ងៃទី៦ ខែកក្កដា ឆ្នាំ២០១៧ ស្ថិតនៅក្នុងភូមិអភិវឌ្ឍន៍ សង្កាត់អូស្មាច់ ក្រុងសំរោង ខេត្តឧត្តរមានជ័យ ។

សមត្ថកិច្ចបានឲ្យដឹងថា ជនសង្សយ័ដែលបានឃាត់ខ្លួនឈ្មោះ ឈឺន ធីតា ភេទស្រី អាយុ២៦ឆ្នាំ រស់់នៅភូមិ ឃុំខាងលើ និងដកហូតសម្ភាររួមមានថ្នាំញៀនប្រភេទមេតំហ្វេតាមីន(wy)ចំនួន៥គ្រាប់ និងiceចំនួនមួយកញ្ចប់ ស្មើនិង0.33ក្រាម ចិញ្ចៀនលោហធាតុពណ៌លឿងមួយវង់ ក្រវិលមួយគូ ទូរសព្ទ័ដៃពីរគឿង ប្រាក់ដប់ម៉ឺនរៀល ប្រាក់បាត900បាត និងសម្ភារវិចខ្ចប់មួយចំនួន។

បច្ចុប្បន្នសមត្ថកិច្ចកំពុងរៀបចំសំណុំរឿងបញ្ជូនទៅតុលាការបន្ដនីតិវិធីចាត់ការតាមច្បាប់ ៕ ប៉ែន នួន